«Сомон Эйр» соли 2024 беш аз 1,5 миллион мусофирро ба 12 давлати ҷаҳон интиқол додааст
ДУШАНБЕ, 05.02.2025 /АМИТ «Ховар»/. Ширкати ҳавопаймоии «Сомон Эйр» соли 2024 тавассути хатсайрҳои мунтазами байналмилалӣ ва чартерӣ 1,5 миллион мусофир интиқол додааст, ки нисбат ба соли 2023 беш аз 223 ҳазор ё 28,5 фоиз зиёд мебошад, хабар медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Аз шумораи умумии мусофирони интиқолдода 112 ҳазор нафар тавассути хатсайрҳои дохилӣ ва 894 ҳазор нафар тавассути хатсайрҳои байналмилалӣ сафар анҷом додаанд.
Ширкати ҳавопаймоии Сомон Эйр» соли 2024 парвозҳои мунтазам ва транзитиро аз Ҷумҳурии Тоҷикистон ба самтҳои Туркия, Арабистони Саудӣ, Амороти Муттаҳидаи Араб, Эрон, Федератсияи Русия, Қазоқистон, Чин, Олмон, Узбекистон, Ҳиндустон, Покистон ва Гурҷистон иҷро намуд. 51 фоизи интиқоли мусофиркашониро самти Федератсияи Русия ташкил медиҳад.
Инчунин соли 2024 аз ҷониби Ширкати ҳавопаймоии «Сомон Эйр» 1451 тонна бор ва 10,5 тонна почта интиқол дода шуд, ки ин нисбат ба соли 2023 424 тонна ё 41 фоиз зиёд мебошад. Ҳамзамон дар ин давра ширкати ҳавопаймоии «Сомон Эйр» 3313 парвози ҷуфт анҷом додааст, ки аз ин шумора 5908 ададашро парвозҳои ҷуфти байналмилалӣ ташкил дода, 718 адад парвозҳои дохилӣ мебошанд. Ин омор нисбат ба соли 2023 560 парвози ҷуфт ё 20,3 фоиз зиёд мебошад.
Ҳоло пойгоҳи ҳавопаймоии ширкати ҳавопаймоии «Сомон Эйр»-ро 2 ҳавопаймои тамғаи Боинг 737-900, 4 ҳавопаймои тамғаи Боинг 737-800, 2 чархболи МИ-8 ва як чархболи Airbus H-125 ташкил медиҳанд.
Марзия САИДЗОДА,
АМИТ «Ховар»
АКС аз ширкати ҳавопаймоии «Сомон Эйр»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
