Амороти Муттаҳидаи Араб имзои Шартнома байни Тоҷикистон ва Қирғизистонро оид ба сарҳади давлатӣ истиқбол менамояд
ДУШАНБЕ, 15.03.2025 /АМИТ «Ховар»/. Амороти Муттаҳидаи Араб аз тавофуқи Ҷумҳурии Тоҷикистон ва Ҷумҳурии Қирғизистон дар мавриди таъйини марз байни ду давлат истиқбол карда, пуштибонии худро аз саъю талошҳо баҳри таъмини сулҳу шукуфоӣ таъйид менамояд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Амороти Муттаҳидаи Араб хабар доданд.
Вазорати корҳои хориҷӣ Амороти Муттаҳидаи Араб дар баёнияи худ изҳори умедворӣ намудааст, ки ин иқдом ба таҳкими пойдорӣ, ҳамкории созанда, инчунин рушд ва сулҳу субот дар сатҳи минтақавӣ ва байналмилалӣ ба манфиати ду мамлакати дӯст ва мардумони онҳо мусоидат намуда, барои манофеи муштарак хидмат хоҳад кард.
Ҳамчунин, Вазорат таъкид менамояд, ки Амороти Муттаҳидаи Араб бо Ҷумҳурии Тоҷикистон ва Ҷумҳурии Қирғизистон робитаҳои мустаҳкам дошта, аз талошҳои онҳо бобатимусоидат дар таъмини сулҳ, пешрафт ва субот дар минтақа пуштибонӣ хоҳад кард. Амороти Муттаҳидаи Араб ҳамзамон ба аҳаммияти музокироти мусолиматомез ҳамчун роҳи ягона барои ҳалли низоъҳо таъкид намудааст.
Ёдовар мешавем, ки 13 март аз рӯйи натиҷаҳои гуфтушунидҳо Сарони давлатҳои Тоҷикистон ва Қирғизистон муҳтарам Эмомалӣ Раҳмон ва муҳтарам Садир Жапаров зери Изҳороти муштарак доир ба таҳкими минбаъдаи дӯстӣ ва ҳамсоягии наку ва Шартнома байни Ҷумҳурии Тоҷикистон ва Ҷумҳурии Қирғизистон дар бораи сарҳади давлатӣ имзо гузоштанд.
АКС: АМИТ «Ховар»
Дар Сеул ҳамкории кишварҳои Осиёи Марказӣ бо Ҷумҳурии Корея дар соҳаи гумрук баррасӣ гардид
Намояндаи Тоҷикистон бо Дабири кулли Иттиҳоди байнипарлумонӣ мулоқот намуд
Сафири Тоҷикистон бо роҳбарияти Иттиҳодияи палатаҳои савдо ва саноати Олмон мулоқот намуд
Намояндаи Тоҷикистон бо Фиристодаи махсуси Дабири кулли СММ оид ба об мулоқот намуд
Ҳайати Тоҷикистон бо ректори Донишкадаи омӯзишҳои дипломатии Миср мулоқот намуд
Аввалин машваратҳои консулӣ байни Тоҷикистон ва Миср баргузор гардиданд
Дар Женева ҳамкории Тоҷикистон ва Барномаи СММ оид ба маҳалҳои аҳолинишин баррасӣ гардид
Сафири Тоҷикистон бо Раиси Маҷлиси Бузурги Миллии Туркия мулоқот намуд
Дар Душанбе раванди татбиқи санаду барномаҳои ҳамкорӣ байни Тоҷикистон ва Қирғизистон баррасӣ гардид
Масъалаи ифтитоҳи хонаҳои тиҷоратӣ дар Тоҷикистону Кореяи Ҷанубӣ баррасӣ шуд
Ҳамкории Тоҷикистон ва Корея дар татбиқи лоиҳаҳои иқтисодию иҷтимоӣ баррасӣ гардид
Намояндаи Тоҷикистон дар ҷаласаи ғайрирасмии Кумитаи ҳамоҳангсози Созмони умумиҷаҳонии моликияти зеҳнӣ иштирок намуд
