Байни хонандагони муассисаҳои таълимии пойтахт озмуни шаҳрии «Тоҷи сари ҷумла ҳунарҳост илм» идома дорад

Март 13, 2025 10:31

ДУШАНБЕ, 13.03.2025. /АМИТ «Ховар»/. Дар асоси қарори Раиси шаҳри Душанбе  байни хонандагони муассисаҳои таълимии пойтахт озмуни шаҳрии «Тоҷи сари ҷумла ҳунарҳост илм» идома дорад. Дар ин хусус ба АМИТ «Ховар» аз Маркази кӯдакон ва наврасони шаҳри Душанбе хабар доданд.

Озмун дар се давр ташкил гардида, даврҳои якум ва дуюм аз ҷониби муассисаҳои таҳсилоти миёнаи умумӣ ва марказҳои таҳсилоти иловагии пойтахт гузаронида шуд. Даври ниҳоии озмун аввали моҳи апрел аз ҷониби Маркази кӯдакон ва наврасони шаҳри Душанбе баргузор карда мешавад.

Мақсад аз баргузории озмун рушди тафаккури техникӣ, тарғиби ҷаҳонбинии илмӣ, дастрасӣ пайдо кардан ба техникаю технология, тавсеаи ихтироъкорӣ ва навоварӣ, пайвастани илм бо истеҳсолот, ҷалби хонандагони муассисаҳои таҳсилоти миёнаи умумӣ ба омӯзиши амиқи фанҳои риёзӣ, дақиқ ва табиӣ, дарёфт ва муаррифии истеъдодҳои нав дар ин самтҳо ва дар ин замина мусоидат намудан ба касбинтихобкунии наврасон аз рӯйи ихтисос ва касбҳои ба ин фанҳо алоқаманд мебошад.

Ёдовар мешавем, ки бо мақсади боз ҳам беҳтар амалӣ намудани омӯзиши илмҳои табиатшиносӣ, дақиқ ва риёзӣ, инчунин тавсеаи тафаккури техникии насли наврас аз ҷониби Пешвои миллат солҳои 2020 – 2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон карда шуданд.

Барои ғолибони ҷойҳои якуми озмун 15 ҳазор сомонӣ, ҷойи дуюм 10 ҳазор сомонӣ ва ҷойи сеюм 5 ҳазор сомонӣ мукофотпулӣ муқаррар гардидааст.

Омӯзгороне, ки шогирдонашон ғолиби озмун мегарданд, бо мукофотпулӣ қадрдонӣ карда мешаванд.

АКС аз манбаъҳои боз

Март 13, 2025 10:31

Хабарҳои дигари ин бахш

Дар Донишгоҳи давлатии омӯзгорӣ масоили муосири саноати мошинсозӣ ва маводшиносӣ баррасӣ гардид
Дар Донишгоҳи давлатии Хуҷанд омӯзиши забони фаронсавӣ баррасӣ гардид
Дар Академияи идоракунии давлатӣ оид ба таҷдид ва рушди фарҳанги миллӣ машварати илмӣ баргузор шуд
Донишгоҳи давлатии Хуҷанд ва Донишгоҳи почта ва телекоммуникатсияи Чунсини Чин Ёддошти тафоҳум ба имзо расониданд
Дар Донишгоҳи давлатии тиҷорати Тоҷикистон Стратегияи муқовимат ба терроризм ва экстремизм дар Ҷумҳурии Тоҷикистон баррасӣ гардид
Донишгоҳи давлатии Бохтар бо Донишгоҳи Ҳамад ибни Халифаи Қатар ҳамкориро тақвият мебахшад
Ректорони донишгоҳҳои Тоҷикистон бо ректори Донишгоҳи Ҳамад ибни Халифаи Қатар вохӯрӣ намуданд
Бахшида ба Рӯзи Парчами давлатӣ ҳамоиши тантанавии «Ҷавонон-созандагони НБО-и «Роғун»» баргузор гардид
Дар Литсей барои хонандагони болаёқат дар шаҳри Душанбе бахшида ба Рӯзи Парчами давлатӣ ҳамоиш баргузор гардид
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад