Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи саноат ва технологияҳои нав ба имзо расид
ДУШАНБЕ, 13.03.2025 /АМИТ «Ховар»/. Имрӯз аз рӯйи натиҷаҳои гуфтушунидҳои сарони давлатҳои Тоҷикистон ва Қирғизистон маросими имзои 16 санади дуҷониба доир гардид.
Аз ҷумла, байни Вазорати саноат ва технологияҳои нави Ҷумҳурии Тоҷикистон ва Вазорати иқтисод ва соҳибкории Ҷумҳурии Қирғизистон Ёддошти тафоҳум оид ба ҳамкорӣ дар соҳаи саноат ва технологияҳои нав ба имзо расид.
Тавре АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад, ҳадафи Ёддошти тафоҳум мусоидат ба ҳамкории боэътимоди ду давлат дар соҳаи саноат ва фароҳам овардани таъмини шароити мусоид барои рушди саноат ва ҳамкории истеҳсолӣ, илмию техникӣ ба манфиати тарафайн мебошад. Шартҳои он бо созишномаҳои иловагии дахлдор мувофиқа карда мешаванд.
Дар асоси ин санад ҳарду давлат ҳамкориро дар самти рушд ва таъмиқи ҳамкории мутақобил дар бахшҳои гуногуни саноат, аз ҷумла мошинсозӣ, саноати сабук, кӯҳкорӣ, металлургӣ, саноати химия, масолеҳи сохтмонӣ ва технологияҳои нав амалӣ менамоянд.
Дар доираи ин ёддошт Тарафҳо ба мувофиқа расиданд, ки корҳои муштаракро дар самтҳои мубодилаи иттилоот дар бораи афзалияти миллии рушди саноат, таҷриба дар самти таҳия ва татбиқи стратегияҳои соҳавии рушди саноат ва барномаҳои мақсадноки дахлдор, таҳия ва татбиқи лоиҳаҳои муштарак дар соҳаи зеҳни сунъӣ, аз ҷумла таҳқиқот, мубодилаи дониш ва пешбурди тасмимҳо дар асоси зеҳни сунъӣ, доир намудани машваратҳо, ташкили майдончаҳои муштарак оид ба муҳокимаи масъалаҳои марбут ба коркарди самтҳои асосии ҳамкории саноатӣ, аз ҷумла самтҳои ояндадори рушди инноватсионӣ, таҳияи пешниҳодҳо барои таъмиқи ҳамкории мутақобили Тарафҳо дар татбиқи сиёсати саноатӣ ва ғайра амалӣ намоянд.
АКС: Хадамоти матбуоти Президенти Ҷумҳурии Тоҷикистон/ АМИТ «Ховар»
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
