Дар ҷамоатҳои шаҳраку деҳоти шаҳри Турсунзода гулгардонии наврӯзӣ идома дорад

Март 17, 2025 14:19

ТУРСУНЗОДА, 17.03.2025 /АМИТ «Ховар»/. Дар ҷамоатҳои  шаҳраку деҳоти  шаҳри Турсунзода бо иштироки ҷавонону кӯдакон маросими гулгардонии наврӯзӣ идома дорад.  Дар ин хусус  масъулини бахши кор бо ҷавонон ва варзиши шаҳри Турсунзода ба мухбири АМИТ «Ховар» Субҳониддини Маҳмуд иттилоъ доданд.

Маросими гулгардонӣ на танҳо ҷашни зебо, балки ифодаи эҳтиром ба табиат ва суннатҳои аҷдодӣ низ мебошад, ки имрӯзҳо бо шукуҳу шаҳомати хос таҷлил мегардад.

Гулгардонӣ яке аз оинҳои қадимии Наврӯз ба ҳисоб меравад, ки то имрӯз дар бисёр минтақаҳои Осиёи Марказӣ, махсусан дар Тоҷикистон, Узбекистон ва дигар кишварҳо нигоҳ дошта шудааст.

Ин маросим ба фарорасии баҳор ва эҳёи табиат рабт дорад. Одамон гулҳои зебо ва рангинро ҷамъ оварда, кӯчаю хонаҳои худро бо онҳо оро медиҳанд. Ин амал рамзи тозагӣ, зебоӣ ва эҳёи анъанаҳои ниёгон мебошад.

Занон ва духтарон либосҳои миллии рангоранг пӯшида, бо табассум ва шодӣ гулҳоро ба дӯстону хешовандон тақдим менамоянд. Одатан кӯдакон низ дар ин маросим фаъолона иштирок намуда, бо суруду рақсҳои наврӯзӣ фазоро шод ва идона мегардонанд.

Гулгардонӣ ҳамчунин рамзи дӯстӣ, ваҳдат ва самимият аст. Одамон бо тақдими гул дар соли нави аҷдодиямон ба ҳамдигар орзуҳои нек ва барору комёбӣ таманно менамоянд.

АКС: Бахши кор бо ҷавонон ва варзиши шаҳри Турсунзода

Март 17, 2025 14:19

Хабарҳои дигари ин бахш

Дар шаҳри Панҷакент Мусобиқаи байналмилалии гӯштингирӣ оғоз гардид
Имрӯз дар шаҳри Душанбе бо иштироки намояндагони 26 давлати дунё Фестивали ҷаҳонии ҷавонон оғоз гардид
Дар Ҷашни байналмилалии Наврӯз дар Майдони Истиқлоли пойтахт тантанаи идона доир карда мешавад
Дар чор ноҳияи шаҳри Душанбе рамзи баҳору Наврӯз — табақи суманак гузошта шуд
Мусобиқаи байналмилалӣ оид ба камонварӣ баргузор гардид
Корвони наврӯзӣ тавассути чор дарвозаи пойтахт ба сокинону меҳмонони Душанбе муждаи баҳор меорад
То таҷлили Иди байналмилалии Наврӯз шаҳри Норак гулзор мегардад
ГУЛИ СИЯҲГӮШИ ҚОШГАРДОН. Дар Тоҷикистон мавсими гулгардонӣ фаро расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат менамоянд?
Моҳи март бахшида ба Ҷашни байналмилалалии Наврӯз дар Тоҷикистон мусобиқаҳои гуногуни варзишӣ доир мегарданд
Фестивали ҷаҳонии ҷавонон «Navruz Youth World Festival» баргузор мешавад
Дар Маҷмааи таърихию фарҳангии «Қалъаи Хуҷанд» бахшида ба Иди Наврӯз барномаи фарҳангӣ доир мегардад