СОЛҲОИ РУШДИ САНОАТ. Дар Муъминобод корхонаи истеҳсоли сангу шағал фаъолият менамояд
ДУШАНБЕ, 03.05.2025. /АМИТ «Ховар»/. Дар доираи Солҳои рушди саноат (2022-2026) ва ба истиқболи 35-солагии Истиқлоли давлатӣ дар ноҳияи Муъминобод корхонаи истеҳсоли сангу шағал фаъол гардид.
Тавре аз Мақомоти иҷроияи ҳокимияти давлатии ноҳияи Муъминобод ба АМИТ «Ховар» иттилоъ доданд, корхона аз ҷониби Ҷамъияти дорои масъулияти маҳдуди «Талбак» таъсис дода шудааст.
Корхона ба истеҳсоли сангу шағал ва хиштҳои бетонӣ машғул аст. Бо таъмини дастгоҳу таҷҳизоти техникии зарурӣ қисмати бештари корҳо бо истифода аз механизмҳои соҳавӣ дар шакли худкор амалӣ мешавад. Дар айни замон дар корхона 12 сокини маҳаллӣ бо шуғл таъмин шудаанд.
Корхона дар саргаҳи селроҳае, ки қисмате аз ҷамоату деҳаҳои ноҳияи Муъминободро убур менамояд, бунёд гардидааст. Мақсади интихоби ин мавзеъ барои бунёди корхона он аст, ки масолеҳи зарурии дар корхона коркардшаванда ҳамчун ашёи хом аз дохили ин селроҳа гирифта мешавад. Дар натиҷаи чунин раванди фаъолият ҳам маҷрои селроҳа ба таври мунтазам тоза гардида, ҳам барои корхона дастрасии масолеҳ таъмин мешавад. Ҳамзамон фаъолияти корхона ба пешгирии хатари омадани сел ба мавзеъҳои аҳолинишин ва ё ҳудуди заминҳои корами ноҳия мусоидат менамояд.
Ёдовар мешавем, ки дар ноҳияи Муъминобод дар айни замон 17 корхонаи саноатӣ фаъолият менамояд.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар Спитамен коргоҳи пойафзолдӯзӣ, мактаб–кӯдакистон ва маркази саломатӣ бунёд карда мешавад
Тоҷикистон ва минтақаи Фландрияи Подшоҳии Белгия ҳамкориро дар самти саноати сабук густариш медиҳанд
Дар Хуҷанд дар шаш моҳ 23 корхонаи хурду миёнаи истеҳсолӣ ба истифода дода шуд
Дар корхонаҳои саноатии Тоҷикистон ба маблағи 1,8 миллиард сомонӣ масолеҳи сохтмонӣ истеҳсол карда шудааст
ПАНҶСОЛАИ РУШДИ САНОАТ. Дар корхонаҳои нави саноатии Тоҷикистон дар ҳаҷми беш аз 95,3 миллион сомонӣ маҳсулот истеҳсол карда шудааст
Тоҷикистон ба маблағи 28,3 миллион доллар маҳсулоти асосии саноати хӯрокворӣ содирот намудааст
НИШАСТИ МАТБУОТӢ. Дар шашмоҳаи якуми соли 2025 бо иштироки Сарвари давлат 16 корхонаи нави саноатӣ ба истифода дода шуд
НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
НИШАСТИ МАТБУОТӢ. Дар корхонаҳои саноатии шаҳри Турсунзода 96 номгӯй маҳсулоти саноатӣ истеҳсол карда мешавад
Дар корхонаҳои саноатии ноҳияи Мастчоҳ ба маблағи беш аз 113 миллион сомонӣ маҳсулот истеҳсол карда шудааст
Коргоҳи истеҳсоли пойафзоли шаҳри «Бӯстон» ба бозор маҳсулоти босифат ва рақобатпазир пешниҳод менамояд
Соли 2025 дар вилояти Суғд 84 корхонаю коргоҳи нав ба фаъолият шуруъ намуд
