«Телевизиони Сафина» се филми мустанад — «Таназзули пиряхҳо», «Сарвати башарӣ» ва «Ванҷях» -ро манзури тамошобинон намуд
ДУШАНБЕ, 19.05.2025. /АМИТ «Ховар»/. Бахшида ба Соли байналмилалии ҳифзи пиряхҳо (2025) ва Конфронси байналмилалии сатҳи баланд оид ба ҳифзи пиряхҳо (29-31 май) дар Муассисаи давлатии «Телевизиони Сафина» 3 филми мустанад, аз ҷумла «Таназзули пиряхҳо», «Сарвати башарӣ» ва «Ванҷях», инчунин барномаҳои гуногуни экологӣ таҳия ва пахш гардиданд. Дар ин хусус ба АМИТ «Ховар» муовини якуми директори Муассисаи давлатии «Телевизиони Сафина» Маҳмадёқуб Зокирзода иттилоъ дод.
Ин филмҳо тақрибан 30-дақиқаӣ буда, бо зернависи забони англисӣ дар телевизион пахш карда шуданд. Мавзуи филм таърихи омӯзиш ва вазъи пиряхҳои Тоҷикистонро дар бар мегирад. Инчунин вобаста ба ин масъала бо Вазири корҳои хориҷии Ҷумҳурии Тоҷикистон Сироҷиддин Муҳриддин мусоҳибаи ихтисосӣ анҷом дода шуд.
Ба иттилои Маҳмадёқуб Зокирзода, ҳамарӯза дар барномаҳои телевизион суҳбату вохӯриҳо бо олимону донишмандон ва мутахассисони соҳа оид ба ҳифзи пиряхҳо баргузор шуда, зарурати ин тадбирҳо ба омма фаҳмонида мешавад.
Ёдовар мешавем, ки аз 29 то 31 майи соли 2025 дар пойтахти Ҷумҳурии Тоҷикистон – шаҳри Душанбе Конфронси байналмилалии сатҳи баланд оид ба ҳифзи пиряхҳо баргузор мегардад. Ин чорабинии муҳим дар доираи Соли байналмилалии ҳифзи пиряхҳо (2025), ки бо ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон пешбарӣ гардида, 14 декабри соли 2022 дар иҷлосияи 77-уми Маҷмаи Умумии Созмони Милали Муттаҳид аз ҷониби беш аз 150 кишвари аъзои ин созмон якдилона дастгирӣ ёфт, доир карда мешавад.
АКС: АМИТ «Ховар»
Академияи миллии илмҳои Тоҷикистон ва Вазорати тандурустии Федератсияи Русия ҳамкориро тақвият медиҳанд
Сокинони ноҳияи Исмоили Сомонии пойтахт соҳиби туҳфаи Президенти Тоҷикистон — «Шоҳнома»-и Ҳаким Фирдавсӣ шуданд
Олимони ҷавони тоҷик дар машғулияти Мактаби байналмилалии тобистонаи Узбекистон иштирок доранд
Намоиши «Олами гулдӯзии тоҷикон» дар Осорхонаи миллии қолинҳои Озарбойҷон доир мегардад
«ТОҶИКИСТОН — ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мешавад
Дар нашриёти «Эр Граф» «Фарҳанги тафсирии истилоҳоти осорхонашиносӣ» аз чоп баромад
Оид ба омӯзиши таърих ва тамаддуни халқи тоҷик дар замони соҳибистиқлолӣ конфронси илмӣ баргузор гардид
ТУҲФАИ АРЗАНДАИ ПРЕЗИДЕНТИ ТОҶИКИСТОН. Тақдими китоби «Шоҳнома» ба беш аз 48 ҳазор оилаи шаҳри Ҳисор оғоз шуд
«ТОҶИКИСТОН — ВАТАНИ АЗИЗИ МАН». Даври сеюми озмуни ҷумҳуриявӣ моҳи сентябр оғоз мегардад
Дар остонаи ҷашни Истиқлоли давлатӣ китоби «Корномаҳои ҷовидонаи Пешвои муаззами миллат» аз чоп баромад
«Шоҳнома»-и Ҳаким Фирдавсӣ бузургтарин мактаб дар тарбияи худшиносии миллӣ мебошад
Муовини Сарвазири Беларус дар Осорхонаи миллии Тоҷикистон бо таъриху фарҳанги тоҷикон шинос гардид
