Дар Тоҷикистон истеҳсоли тухми паранда беш аз 19 фоиз зиёд гардидааст
ДУШАНБЕ, 28.09.2025. /АМИТ «Ховар»/. Тибқи маълумоти оморӣ, дар мамлакат аз моҳи январ то августи соли 2025 914,2 миллион дона тухм истеҳсол карда шудааст, ки нисбат ба соли 2024 19,5 фоиз зиёд мебошад.
Ба иттилои Агентии омори назди Президенти Ҷумҳурии Тоҷикистон, истеҳсоли тухмро хоҷагиҳои вилояти Суғд 29,7 фоиз, Вилояти Мухтори Кӯҳистони Бадахшон 2,5 фоиз, вилояти Хатлон 0,1 фоиз ва шаҳру ноҳияҳои тобеи ҷумҳурӣ 2,5 фоиз зиёд намудаанд.
Парандапарварӣ яке аз соҳаҳои асосии самти чорводорӣ ба ҳисоб рафта, дар таъмини аҳолӣ бо ғизои сафедадор мавқеи намоён дорад.
Ба иттилои Вазорати кишоварзии мамлакат, дар ҷумҳурӣ шумораи умумии корхонаҳои парандапарварӣ 228 ададро ташкил медиҳад, ки нисбат ба ҳамин давраи соли 2024 10 адад зиёд мебошад. Аз шумораи умумии корхонаҳои мавҷуда 102 адад ба истеҳсоли тухми истеъмолӣ, 112 адад ба истеҳсоли гӯшти паранда, 8 адад ба истеҳсоли тухму гӯшти паранда ва 6 адад ба истеҳсоли тухми инкубатсионию чӯҷаи якрӯза машғул мебошанд.
Тибқи маълумоти оморӣ, то моҳи августи моли 2025 дар ҳама шаклҳои хоҷагидории ҷумҳурӣ 12 миллиону 601 ҳазору 955 сар паранда парвариш ёфта, 669 234 дона тухм ва 19 681 тонна гӯшти паранда истеҳсол гардидааст. Яъне, нисбат ба ҳамин давраи соли 2024 саршумори паранда 668 ҳазору 585 сар, истеҳсоли тухм 126 201 ҳазор дона ва гӯшти паранда 495 тонна зиёд мебошад.
Дар шароити имрӯза парандапарварӣ барои таъмини бозори дохилӣ бо маҳсулоти серғизо, инчунин фароҳам овардани ҷойи нави кор дар деҳот аҳамияти калон дорад. Дар ин самт дар мамлакат навъҳои гуногуни паранда, аз ҷумла мурғҳои тухмдеҳ, мурғҳои гӯштин ва парандаҳои маҳаллӣ парвариш меёбанд. Ҳамзамон намудҳои камшумори дигар, ба мисли бедона ва мурғи марҷон низ парвариш карда мешаванд.
Парандапарварӣ дар Ҷумҳурии Тоҷикистон яке аз бахшҳои муҳими кишоварзӣ маҳсуб шуда, дар таъмини амнияти озуқавории мамлакат нақши назаррас дорад.
АКС: АМИТ «Ховар»
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
