35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
ДУШАНБЕ, 11.12.2025 /АМИТ «Ховар»/. Бахшида ба 35 – солагии Истиқлоли давлатии Тоҷикистон дар деҳаи Калфи Сабади деҳоти Ситораи Сурхи ноҳияи Ёвон аз ҷониби соҳибкорони ватандӯст ва сокинони маҳаллӣ майдони варзишии дорои чамани сунъӣ бо тарзи муосир бунёд карда мешавад. Дар ин хусус аз Мақомоти иҷроияи ҳокимияти давлатии ноҳияи Ёвон ба АМИТ «Ховар» хабар доданд.
Иттилоъ дода шуд, ки корҳои ҳамворкунии чамани сунъӣ, панҷарабандӣ, симтӯрҳои муҳофизатӣ, насби рӯйпӯши ҳимоявӣ ба анҷом расида, бунёди ҷойи нишасти тамошобинон, минбар ва утоқҳои либосивазкунии варзишгарон идома дорад.
Иншоот ба стандартҳои ҷаҳонӣ мутобиқ буда, паҳноии он 60 ва дарозияш 90 метрро дар бар мегирад.
Ин майдони варзишӣ дар миқёси вилояти Хатлон аз лиҳози тарзу усул ва муосир ягона арзёбӣ мегардад. Баъди ба истифода додани майдони варзишӣ имкони баргузории мусобиқаҳои ноҳиявӣ ва дигар чорабиниҳои сатҳи минтақавӣ ва вилоятӣ фароҳам мегардад.
Раиси ноҳияи Ёвон Икромиддин Вализода бо изҳори қаноатмандӣ аз сифати корҳо ва масъулияти баланди соҳибкорон гуфт, ки бунёди чунин инфрасохтор барои рушди тарзи ҳаёти солим, ҷалби ҷавонон ба варзиш ва фароҳам овардани шароити мусоид барои фаъолияти фарҳангӣ аҳамияти хосса дорад.
Таъкид шуд, ки тамоми корҳо бояд бо риояи меъёрҳои техникию сохтмонӣ, дар муҳлати муайяншуда ва бо сифати баланд анҷом дода шаванд.
Сокинон ва соҳибкорони деҳа изҳор доштанд, ки барои иҷрои пурраи корҳо аз тамоми имконият истифода мебаранд. Онҳо ин иқдомро ҳамчун нишонаи ватандӯстӣ ва садоқат ба сиёсати созандаи Пешвои миллат муҳтарам Эмомалӣ Раҳмон арзёбӣ намуданд.
АКС: Мақомоти иҷроияи ҳокимияти давлатии ноҳияи Ёвон
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
Пешвои миллат Эмомалӣ Раҳмон дар деҳаи Регари шаҳри Турсунзода Муассисаи таҳсилоти миёнаи умумии № 23-ро ба истифода доданд
Сарвари давлат Эмомалӣ Раҳмон дар шаҳри Турсунзода ба фаъолияти марҳилаи дуюми ҶДММ «Алюмин Проф» оғоз бахшиданд
Дар ноҳияи Ёвон якчанд иншооти иҷтимоӣ ва инфрасохторӣ мавриди истифода қарор гирифт
Дар деҳаи Деваштичи Панҷакент муассисаи таълимӣ бунёд мегардад
