Дар Рӯзҳои кинои тоҷик дар Беларус се филми ҳунарӣ намоиш дода мешавад

ДУШАНБЕ, 28.04.2026. /АМИТ «Ховар»/. Дар доираи Рӯзҳои фарҳанги Ҷумҳурии Тоҷикистон дар Ҷумҳурии Беларус Рӯзҳои кинои тоҷик оғоз шуданд.

Тавре ба АМИТ «Ховар» аз Муассисаи давлатии «Тоҷикфилм» хабар доданд, дар ин рӯзҳо се филми ҳунарии тоҷик – «Дар талоши ҳақиқат», «Зиндагӣ зебост» ва «Пайроҳаи хашм» ба намоиш гузошта мешаванд.

Ҳадаф аз баргузории Рӯзҳои кино муаррифии дастовардҳои синамои миллӣ, таҳкими робитаҳои фарҳангӣ ва густариши ҳамкории дуҷониба байни Тоҷикистон ва Беларус мебошад.

Намоиши филмҳо барои тамошобинони Беларус имкон фароҳам меорад, ки бо фарҳанг, таърих ва зиндагии мардуми тоҷик аз наздик шинос шаванд.

Ёдовар мешавем, ки аз 24 апрел то 1 май Рӯзҳои фарҳанги Ҷумҳурии Тоҷикистон дар Ҷумҳурии Беларус гузаронида мешаванд. Дар доираи Рӯзҳои кинои тоҷик, намоиши мусаввараҳо, либосҳои миллӣ ва барномаи фарҳангӣ доир мегардад.

АКС: Муассисаи давлатии «Тоҷикфилм»