Ширкати «Сомон Эйр» имрӯз парвози таърихии ҳавопаймои худро дар самти Душанбе-Тошканд-Душанбе роҳандозӣ кард!

Февраль 10, 2017 12:31, 536 хонанда

Хабарҳои мавзӯъ

Фурудгохи Байналмилали, (9)

ДУШАНБЕ, 10.02. 2017. /АМИТ «Ховар»/. Ширкати ҳавопаймоии «Сомон Эйр» имрӯз, 10 феврал баъди чаҳоряк аср нахустин парвози ҳавопаймои худро дар самти Душанбе-Тошканд-Душанбе иҷро кард. Тавассути хатсайри мазкур аз Душанбе зиёда аз 50 нафар мусофир ба Тошканд сафар карданд. Сафари мазкур на танҳо техникӣ, балки таърихӣ ҳам мебошад.
Роҳбарияти ширкати ҳавопаймоии «Сомон Эйр» ният дорад бо намояндагони ширкати ҳавопаймоии «Ӯзбекистон Ҳаво Йуллари» музокирот намуда, тамоми масъалаҳои истеҳсолиро вобаста ба парвози мунтазами ҳавопаймоҳо дар ин хатсайр ҳаллу фасл намоянд.
Ширкати ҳавопаймоии «Сомон Эйр» парвозҳоро аз Душанбе ба пойтахти Ӯзбекистон-шаҳри Тошканд то анҷоми мавсими зимистон ҳафтае як маротиба- рӯзи душанбе иҷро хоҳад кард. Интизор меравад, ки дар мавсими тобистон миқдори парвозҳо зиёд шуда, ҳафтае ду маротиба- рӯзҳои душанбе ва панҷшанбе ба роҳ монда шаванд. Нахустин парвози мунтазами ширкати ҳавопаймоӣ 20 феврал амалӣ мегардад.
Фурудгохи Байналмилали, (2)Дар маросими кушодашавии хатсайри нав директори генералии ширкати «Сомон Эйр» Томас Ҳаллам иброз дошт, ки ифтитоҳи хатсайри мазкур ба сокинони Тоҷикистон ва Ӯзбекистон имкон медиҳад, ки рафту омади худро дар ду самт осонтар кунанд ва дар баробари ин ширкати ҳавопаймоӣ тавассути хатсайрҳои транзитӣ самти парвозҳои худро аз фурудгоҳи Тошканд ба дигар кишварҳои ҷаҳон зиёд намояд. Мардуми тоҷику ӯзбек асрҳо боз бо ҳам дӯстӣ доранд ва бо кушода шудани хайтсайри нав муносибатҳо боз ҳам наздиктар мешаванд.
Мусофири аввалини хатсайри мазкур Ҷамила Назарова бо ашки шодӣ миннатдориашро ба Президенти Ҷумҳурии Тоҷикистон муҳтарам Эмомалӣ Раҳмон баён намуда, зикр кард, ки дар Ӯзбекистон хешу ақрабои зиёд дорад. Ӯ 24 сол имконияти ба он ҷо сафар намуданро надошт. Акнун ки ин имкониятро Ҳукумати ҶТ фароҳам овард, ӯ бениҳоят шод аст, ки метавонад бо наздикони худ вохӯрад.
Ба иттилои Томас Ҳаллам, роҳбарияти ширкати ҳавопаймоии «Сомон Эйр» ният дорад бо намояндагони ширкати «Ӯзбекистон Ҳаво Йуллари» музокирот намуда, тамоми масъалаҳои истеҳсолиро вобаста ба кушодани хатсайри мунтазам баррасӣ намоянд. Эҳтимол аст, ки баъди гузаронидани мулоқот бо намояндагони фурудгоҳи Тошканд ва дар ҳолати гирифтани тахфиф ба хизматрасониҳои фурудгоҳӣ, имконияти коҳиш додани нархи чиптаҳо дар самти мазкур мавриди баррасӣ қарор гирад.
Бояд зикр кард, ки арзиши чипта ба як самт бо назардошти маблағи хизматрасониҳои фурудгоҳӣ аз 1164 сомонӣ шурӯъ мешавад. Арзиш, пеш аз ҳама, аз рӯи маблағи хизматрасониҳои фурудгоҳӣ барои як мусофир дар фурудгоҳи Тошканд, ки 76 доллари ИМА-ро ташкил медиҳад, асоснок мегардад.

Фурудгохи Байналмилали, (7)

Февраль 10, 2017 12:31, 536 хонанда

Хабарҳои дигари ин бахш

Борони Навруз«Борону ҳавои Ватанам наврӯзӣ…». Дар рӯзҳои ҷашни Наврӯз дар ҷумҳурӣ боридани борон дар назар аст
АзимАзим Иброҳим: «Даъват ба сафи Қувваҳои мусаллаҳ-бе иҳотагирӣ!»
Нархи барк-2Ба нархи барқ тағйирот ворид карда шудааст, вале он ба аҳолӣ дахл надорад
boronИмрӯз ҳаво тағйирёбанда шуда, дар шаҳри Душанбе борон меборад
ХАВЗАИ НАВРУЗ- (1)Моҳи март сокинони Тоҷикистон чанд рӯз истироҳат мекунанд?
0-02-05-dde59dc4aba6685430a71ffdaef6232ef4f774759b5321d2c1f8bc1ee4fe5f64_full6 март-Рӯзи байналмилалии дандонпизишк: дандонҳоро аз хурдсолӣ бояд эҳтиёт кард!
Дождь-3Агентии обуҳавошиносӣ дар ҳафтаи аввали баҳор боронҳои пай дар пай пешгӯӣ мекунад
тестМаркази миллии тестӣ: «Ятимони кулл ва бепарасторони то 21-сола аз пардохти маблағ озод карда мешаванд»
нашъаманди1 март- Рӯзи байналмилалии мубориза бар зидди нашъамандӣ ва нашъаҷалобӣ: нашъамандӣ дар Тоҷикистон коҳиш ёфтааст
вазорати наклиёт 1_0Баррасии масъалаи амнияти роҳ ва бехавфгардонӣ дар Вазорати нақлиёти Ҷумҳурии Тоҷикистон
Терминалы платежа-2Чаро терминалҳои пардохти пули телефон аз кор бозмондаанд?
viber image фотоРаёсати Бозрасии давлатии автомобилӣ: ҳаракати воситаҳои нақлиёт муваққатан маҳдуд карда мешавад