Ширкатҳои дӯзандагии Тоҷикистон роҳҳои афзалиятноки фурӯши яклухтро меомӯзанд

Март 15, 2017 09:46

ДУШАНБЕ,15.03.2017/АМИТ «Ховар»/. Имрӯз ширкати маъруфи русии «Fashion Consulting Group» барои намояндагони ширкатҳои нассоҷӣ ва дӯзандагии Тоҷикистон дар Душанбе давраи омӯзишии дурӯза оғоз менамояд. Давраи омӯзишӣ дар доираи лоиҳаи Маркази тиҷорати байналмилалӣ (МТБ) гузаронида шуда, ҳадафаш баланд бардоштани дониши намояндагони ширкатҳои нассоҷӣ ва дӯзандагии Тоҷикистон дар самти беҳтар намудани роҳҳои фурӯши яклухт аст.
Бояд тазаккур дод, ки лоиҳаи МТБ аз ҷониби Ҳукумати Швейтсария дар доираи Барномаи ҳамкорӣ дар соҳаи тиҷорат дар Ҷумҳурии Тоҷикистон маблағгузорӣ мешавад.
Интизор меравад, ки дар зарфи ду рӯз пешсафони бахши нассоҷӣ ва дӯзандагии Тоҷикистон доир ба роҳандозии фурӯши яклухт, мудирияти он, беҳтар гардонидан ва назорати он маълумот гирифта, ҳамчунин бо василаҳои ҳавасмандгардонии рушд ва пешбурди фурӯши яклухт ошно мегарданд.
Наталия Чиненова, коршинос ва тренери ширкати русии «Fashion Consulting Group» доир ба технологияҳои тиҷоратии фурӯши яклухт, гуфт: «давраи омӯзишӣ бахшҳои алоҳида оид ба роҳандозӣ ва мудирияти фурӯши яклухт баҳогузории самаранокии стратегияи ширкат дар мавриди фурӯши яклухт ва таҳлили ҷуғрофиёи бозорро фаро мегирад».
Мавсуф афзуд, ки иштирокдорони давраи омӯзишӣ, ҳамчунин пойгоҳи иттилоотӣ доир ба харидорони эҳтимолӣ ва муайян кардани нархгузориро меомӯзанд. Фурӯши яклухт бахши муҳими ба бозор баровардани маҳсулот буда, барои дастрасӣ ба муштарӣ василаҳои васеътар ва сареътарро фароҳам меорад ва ҷиҳати дарёфти фоидаи бештар ва зудтар мусоидат менамояд.

Март 15, 2017 09:46

Хабарҳои дигари ин бахш

Дар Алмато ҷаласаи вазирони Осиёи Марказӣ оид ба пешрафт дар татбиқи чаҳорчӯби ҳамаҷонибаи бехатарии мактабҳо доир гардид
Байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Федератсияи Русия Созишномаи ҳамкорӣ ба имзо расид
Ҳайати Тоҷикистон дар Остона дар ҷаласаи Раёсати Фонди байналмилалии наҷоти Арал иштирок намуд
Вобаста ба бақайдгирии ихтироот тавассути низоми минтақавӣ ва байналмилалӣ машғулияти омӯзишӣ доир шуд
Дар Душанбе ҷаласаи IХ Шурои байнидавлатии муқовимат ба коррупсияи кишварҳои аъзои ИДМ баргузор шуд
Дар Душанбе ҷаласаи гурӯҳи коршиносони Шурои байнидавлатии муқовимат ба коррупсияи кишварҳои аъзои ИДМ доир шуд
Дар самти муқовимат ба коррупсия машғулияти муштараки Тоҷикистон ва Беларус гузаронида шуд
Ҳайати Тоҷикистон дар иҷлосияи 68-уми Конфронси умумии Агентии байналмилалии неруи атомӣ дар Вена иштирок намуд
Дар Душанбе масъалаи бунёди неругоҳҳои гидроэнергетикӣ баррасӣ шуд
Кишоварзони ноҳияи Зафаробод имсол беш аз 36 ҳазор тонна пахта ҷамъоварӣ менамоянд
Кишоварзони вилояти Хатлон имсол беш аз 295 ҳазор тонна пахта ҷамъоварӣ менамоянд
Дар Душанбе ҷаласаи 19-уми Шурои роҳбарикунанда ва иқтисодии SPECA баргузор мешавад