ДМИТ: Мулоқот дар самти пешгирии амалҳои номатлуб

Март 31, 2016 16:58

Душанбе, 31.03.2016. (АМИТ «Ховар»). 30 март дар Донишкадаи молия ва иқтисоди Тоҷикистон бо намояндагони сохторҳои гуногуни давлатӣ мулоқот дар самти пешгирии амалҳои номатлуби иҷтимоӣ доир гардид.
Тавре ки аз донишкадаи мазкур хабар доданд, дар мулоқот муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ҳабибулло Амирбекзода сухан гуфта, аз ҷавонон даъват ба амал овард, ки аз дастовардҳои бузурги истиқлолият неру гирифта, барои пешрафти кишвар талош варзанд ва муаррифгари Тоҷикистон дар арсаи ҷаҳон бошанд, зеро сулҳу салоҳ ва тинҷию амонии кишвар беҳтарин неъмат ва имконият барои кулли сокинони кишвар, аз ҷумла ҷавононанд.
Муовини сардори хадамоти пешгирии ҳуқуқвайронкунӣ байни ноболиғон ва ҷавонони Вазорати корҳои дохилии Ҷумҳурии Тоҷикистон Давлат Назаров изҳор дошт, ки солҳои охир масъалаи ба ҷинояткорию қонуншиканӣ даст задани ҷавонон ташвишовар буда, мутаассифона, нишондиҳандаҳои оморӣ сол то сол афзоиш ёфта истодаанд. Ба гуфтаи номбурда, дар соли 2015 5840 ҷиноят аз тарафи ҷавонон содир шудааст, ки ин нисбат ба соли 2014 қариб 10% зиёд аст.
Ҳамзамон дар мулоқот аз ҷиноятҳое, ки аз тарафи духтарон ва донишҷӯён содир мешаванд, изҳори нигаронӣ карда шуд.

Март 31, 2016 16:58

Хабарҳои дигари ин бахш

Дар Восеъ оид ба таҳкими бехатарӣ аз сӯхтор машварат доир шуд
Ҳайати Вазорати кишоварзии Тоҷикистон бо истифодаи самараноки заминҳои кишоварзӣ дар минтақаи Рашт шинос гардид
Имрӯз дар бархе аз ноҳияҳои Тоҷикистон борон ва раъду барқ дар назар аст
Имрӯз дар Тоҷикистон ҳавои тағйирёбанда дар назар аст
Дабири кулли СММ ба идоракунии самараноки коинот даъват намуд
«НАСЛИ ХУШБАХТИ ЗАМОНИ ИСТИҚЛОЛ». Осорхонаи миллии Тоҷикистон барои кӯдакон барномаи фарҳангӣ-фароғатӣ доир намуд
Бар асари сӯхторҳои шадид дар шарқи Канада беш аз 16 ҳазор нафар тахлия карда шуд
ТАЪМИНИ АМНИЯТИ ОЗУҚАВОРӢ. Аз бемасъулиятӣ 1120 гектар замини корами обӣ дар ноҳияи Рашт обёрӣ карда намешавад
Имрӯз дар Душанбе ҳарорат ба 36 дараҷа мерасад
Дар Шанхай рекорди ҳарорати 100-сола дар моҳи май ба қайд гирифта шуд
Имрӯз дар Тоҷикистон ҳавои тағйирёбанда пешгӯӣ карда мешавад
Ҳангоми тирпаронӣ дар Флорида 9 нафар маҷруҳ шудааст