Пирӯзии соҳибони майдон дар даври 1/8- ниҳоӣ

Июнь 29, 2016 13:40

Душанбе, 29.06.2016. /АМИТ «Ховар»/.   Соҳибони мусобиқа- тими миллии Фаронса бо мушкилии зиёд бар  тими  мунтахаби футболи Ирландия ғолиб омаданду роҳхати марҳилаи ¼- ниҳоии Чемпионати Аврупо 2016-ро ба даст оварданд. Бозӣ миёни ин ду тим мисоли қасосгирӣ буд. Дар ин хусус нимҳимоятгари тими мунтахаби Ирландия Ҷеффри Хендрик дар суҳбаташ  ба The Mirror гуфта буд: голи Вилям Галлас тамоми мардуми кишвари моро хафа карда буд. Умедворам, ки мо натиҷаи хуб нишон медиҳем ва қасдамонро меситонем…
Ёдовар мешавем, ки дар бозиҳои интихобии Чемпионати ҷаҳон фаронсавиҳо бо як гол ғалаба ба даст оварданд ва ирландиҳо аз ҳаққи ширкат дар он маҳрум гардиданд.
Дар ин дидор Мартин О`Нил ҳайати бозингарони дастболои рақобати гузаштаро иваз накард. Дидйе Дешам  ҳамон футболбозонеро ба майдон баровард, ки дар бозӣ бо тими мунхабаи Руминия майдондорӣ карда буданд.                  Ирландиҳо дар дақиқаи дуюми бозӣ бо амалӣ намудани зарбаи 11 метра ҳисобро кушоданд. Роберт Брейди зарбаи 11 метраро, ки дар натиҷаи аз пой афтондани Шейн Лонг довар ба дарвозаи фаронсавиҳо таъйин намуда буд, дақиқ ба ҳадаф расонид. То дақиқаи 57-уми дидор ҳисоби бозӣ 1:0 ба манфиати ирландиҳо боқӣ монд.  Антуан Гризманн бо партофти зебои Сания тӯбро вориди дарвозаи меҳмон намуду ҳисоби бозиро мусовӣ кард. Баъд аз расо се дақиқа ин ҳамлагари клуби «Атлетико»- Мадрид бо партофти Оливер Жируро голи дуюми худро таслими дарвозаи Фаронса намуд. Ин голи тақдирсози Гризманн тими мунтахаби Фаронсаро ба даври ¼-ниҳоӣ баровард.
Тими миллии футболи Ирландия дар муқобили ин рақиби пурқуввати худ бозии хеле ҷолиб нишон дод, вале баъди ин мағлубият Фаронсаро тарк намуд.

Июнь 29, 2016 13:40

Хабарҳои дигари ин бахш

Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд