Фестивали байналмилалии «Диёри ҳусн» барои ҷалби ҷавонон ба ҳунари миллӣ мусоидат менамояд
Душанбе, 28.11.2016 /АМИТ «Ховар»/. Дар шаҳри Душанбе 10-умин Фестивали анъанавии байналмилалии ҳунар ва муд «Диёри ҳусн» ва Фестивали ҷумҳуриявии «Ҷилваи ҳусн» ҷамъбаст гардиданд. Дар ин бора аз Вазорати фарҳанги Ҷумҳурии Тоҷикистон ба АМИТ «Ховар» хабар доданд.
Ҷашнвора аз 24 то 27 ноябр идома ёфта, барои иштирок дар он косибон ва ҳунармандони зиёде аз ҷумҳуриҳои Афғонистон, Эрон, Ӯзбекистон, Қазоқистон, Қирғизистон, инчунин аз дигар минтақаҳои Ҷумҳурии Тоҷикистон ба шаҳри Душанбе омада буданд.
«Намоиши мазкур барои ҷалб кардани ҷавонон ба ҳунари миллӣ ва ба ин васила ба насли оянда мерос гузоштани он мусоидат менамояд. Хуб мешуд, ки дар кишварамон чунин фестивалҳо бештар гузаронида шаванд, то мо тавонем либоси миллиамонро тарғиб кунем»,- иброз дошт Шаҳло Набизода, раиси бахши кор бо занон ва оилаи шаҳри Душанбе
Дар доираи фестивал намоиши маҳсулоти ҳунармандон аз кишварҳои номбурда, намоиши муди либосҳои миллии тоҷикӣ ва Осиёи Марказӣ, дарсҳои сайқали маҳорат, конфронс дар мавзӯъҳои гуногун, аз қабили ҳунармандӣ, саёҳат ва нақши зан дар рушди он ва намоишҳои консертӣ баргузор гардиданд.
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
