Кадом дастаи Осиё рақиби «Истиқлол»-и Душанбе дар бозии аввали Ҷоми КФО мешавад?
ДУШАНБЕ, 9.12.2016 /АМИТ «Ховар»/. Кадом дастаи Осиё -«Дурдой»-и Қирғизистон, «Балкан»-и Туркманистон, «Ҳосилот»-и Фархор» ва ё «Шоҳин Асмоӣ»-и Афғонистон нахустин рақиби «Истиқлол»-и Душанбе дар бозии аввал мегардад? Ба ин савол мо дар нахустин рӯзи моҳи март ҷавоб хоҳем гирифт.
То оғози аввалин бозии расмии чемпиони панҷкаратаи Тоҷикистон «Истиқлол»-и Душанбе дар бозиҳои гурӯҳии Ҷоми Конфедератсияи футболи Осиё беш аз 2,5 моҳ боқӣ монда бошад ҳам, коршиносони футболи Осиё тақвими баргузории бозиҳои гурӯҳии минтақаи Осиёи марказиро муайян карданд. Тибқи ин коргузорӣ бозии нахустини чемпиони кишвар дар Варзишгоҳи марказии ҷумҳуриявӣ моҳи март баргузор мешавад, аммо рақиби нахустини онҳо баъди анҷом ёфтани ду раунди бозиҳои плей-офф бо ширкати дастаҳои «Дурдой»-и Қирғизистон бо «Балкан»-и Туркманистон ва «Ҳосилот»-и Фархор» бо «Шоҳин Асмоӣ»-и Афғонистон, ки ғолибони ҷуфтҳо барои ба марҳалаи гурӯҳӣ шомил шудан бо ҳам мубориза мебаранд, муайян хоҳад шуд.
Коршиносони футболи ватанӣ бар онанд, ки «Ҳосилот»-и Фархор дар баробари дастаҳои мазкур барои ба бозиҳои гурӯҳӣ шомил шудан шонси беҳтар дорад ва шояд аввалин бозиашро «Истиқлол» бо дастаи «Ҳосилот» барпо намояд.
Ин дар ҳолест, ки «Истиқлол» ва «Ҳосилот» 25 феврал барои Суперҷоми Тоҷикистон, ки оғозбахши мавсими футбол дар мамлакат мебошад, бо ҳам қувва меозмоянд.
Ба ҳамин тартиб, тақвими бозиҳо дар гурӯҳи «D»-и минтақаи марказӣ ба шакли зер роҳандозӣ шудааст:
Даври 1
«Истиқлол» (Тоҷикистон) – Ғолиби плей-офф
«Алай» (Қирғизистон) – «Алтин Асир» (Туркманистон)
Даври 2
«Алтин Асир» (Туркманистон) – «Истиқлол» (Тоҷикистон)
Ғолиби плей-офф – «Алай» (Қирғизистон)
Даври 3
«Истиқлол» (Тоҷикистон) – «Алай» (Қирғизистон)
Ғолиби плей-офф – «Алтин Асир» (Туркманистон)
Даври 4
«Алай» (Қирғизистон) – «Истиқлол» (Тоҷикистон)
«Алтин Асир» (Туркманистон) – Ғолиби плей-офф
Даври 5
Ғолиби плей-офф – «Истиқлол» (Тоҷикистон)
«Алтин Асир» (Туркманистон) – «Алай» (Қирғизистон)
Даври 6
«Истиқлол» (Тоҷикистон) – «Алтин Асир» (Туркманистон)
«Алай» (Қирғизистон) – Ғолиби плей-офф
Мадина Қурбонзода дар Чемпионати Осиё оид ба ҷудо соҳиби медали биринҷӣ гардид
Эмомалӣ Нуралӣ медали тилло ва Обид Ҷебов медали нуқраи Чемпионати Осиё оид ба ҷудоро соҳиб гардиданд
ТАРЗИ ҲАЁТИ СОЛИМ. Барои ба одати доимӣ табдил ёфтани машқи пагоҳирӯзӣ чӣ бояд кард?
Муҳаммадин, Шодмон, Фарҳод ва Шакармамад соҳиби шоҳҷоизаҳои мусобиқаи гӯштини миллии ноҳияи Рашт гардиданд
Дастаи мунтахаби наврасони Тоҷикистон (U-16) дар Тошканд ғолиби чемпионати CAFA-2026 гардид
Саидмуъмини Шарифзод Шоҳҷоизаи Мусобиқаи гӯштини миллӣ дар ноҳияи Рӯдакиро соҳиб гардид
Бозиҳои Осиё дар иншооти пӯшида ва ҳунарҳои размӣ дар Арабистони Саудӣ баргузор мегарданд
БОЗИҲОИ 4-УМИ ОЛИМПИИ НАВРАСОН. Пойтахти Сенегал – шаҳри Дакар бозиҳоро мизбонӣ мекунад
ЧЕМПИОНАТИ ҶАҲОНИИ ҶУДО-2026. Боку мизбони мусобиқаи муҳими давраи нави олимпӣ мешавад
CAFA. Дастаи мунтахаби наврасони Тоҷикистон (U-16) тими Қирғизистонро мағлуб намуд
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
ЧЕМПИОНАТИ ОСИЁ ОИД БА БОКС. Миҷгона Самадова ва Некрӯз Салимов соҳиби медалҳои биринҷӣ шуданд
