Дар Театри давлатии академии опера ва балети ба номи С. Айнӣ 76-умин мавсими театрӣ ба анҷом расид
ДУШАНБЕ, 01.07.2017 /АМИТ «Ховар»/. Дар Театри давлатии академии опера ва балети ба номи С. Айнӣ 30 июни соли равон маросими пӯшидашавии 76-умин мавсими театрӣ ба анҷом расид. Дар ин бора сарбалетмейстери театр Мария Левитская ба хабарнигори АМИТ «Ховар» хабар дод.
Бино ба гуфтаи М. Левитская, дар ин мавсим бо дастгирии Вазорати фарҳанги Ҷумҳурии Тоҷикистон ва роҳбарияти театр гурӯҳи балети Театри академии опера ва балети ба номи С. Айнӣ фаъолияти пурмаҳсул дошт. Аз ҷумла дар ин давра овозхонҳои гурӯҳ дар рӯзи ҷашни Истиқлолияти давлатӣ, ки он бо иштироки Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардид, фаъолона ширкат варзиданд.
«Дар ин давра балети нави тоҷикии «Зол ва Рудоба»-ро бо оҳанги Шӯҳрат Ашӯров таҳия намудем, ки тавассути ВВС Persian дар тамоми шабакаҳои телевизионии форсизабон намоиш дода шуд. Дар шавқовар гузаронидани ҷашни Соли нав низ овозхонони театр саҳми сазовор гузошта, дар ин мавсим теъдоди зиёди намоишномаҳои солинавиро пешниҳоди кӯдакон ва калонсолон гардонидем», -илова намуд Левитская.
М. Левитская мегӯяд, ки дар ин мавсим инчунин ҷуфти овозхонон — Муҳаммад Азимзода ва Фарангис Қосимова дар консерте, ки дар шаҳри Алма –Атои Қазоқистон бахшида ба баргузории ҳамоиши Созмони Ҳамкории Шанхай доир гардида буд, ҳунарнамоӣ карда, Ҷумҳурии Тоҷикистонро муаррифӣ намуданд.
Ҷуфти дигари овозхонон — Асел Нилобекова, Фарҳод Камолов ва Парвиз Кумайдонов дар озмуни XIII ҳунармандони балет ва хореография дар шаҳри Москва (Театри калон) иштирок намуданд. Дар ин озмун аз Тоҷикистон аввалин бор соли 1969 Ҳунарпешаи халқии СССР Малика Собирова иштирок намуда буд ва баъди он ин аввалин ширкати ҳунармандони балети тоҷик дар ин озмун буд.
«Дар ин мавсим дар театр инчунин таҷлили ҷашни 75 –солагии Малика Собирова бо иштироки овозхонони варзидаи балети Россия ва давлатҳои ИДМ баргузор гардид»,-зикр намуд номбурда.
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
