«Пайванди қитъаҳо» — пули пайвандгари дӯстии Тоҷикистону Чин

Июль 28, 2017 09:30

ДУШАНБЕ, 28.07.2017 /АМИТ «Ховар»/. Идигул Қосимзода,  Раиси Кумитаи кор бо занон ва оилаи назди Ҳукумати Ҷумҳурии Тоҷикистон ва ҳамзамон Раиси ҷамъияти дӯстии халқҳои Тоҷикистону Чин аз хусуси ҳамкории судманд бо Сафорати Ҷумҳурии Мардумии Чин дар Ҷумҳурии Тоҷикистон ҷиҳати беҳбуд бахшидан ба сатҳи некӯаҳволии занону духтарони тоҷик ибрози назар намуда, бузургдошти 5-умин солгарди таъсиси бахши тоҷикии маҷаллаи «Пайванди қитъаҳо»-ро муборакбод гуфт.

Тавре аз Кумитаи кор бо занон ва оилаи назди Ҳукумати Ҷумҳурии Тоҷикистон ба мухбири АМИТ Ховар иттилоъ доданд, ин нукта зимни мулоқоти Идигул Қосимзода  бо ҳайати намояндагии Ҳукумати ноҳияи Синзян-Уйғури Ҷумҳурии Мардумии Чин оид ба робитаҳои байналмилалии фарҳангӣ, Кумитаи таблиғотии Ҳизби Коммунисти ноҳияи Синзян, Дафтари матбуоти Ҳукумати Синзяни Чин, идораи рӯзномаи иқтисодии Синзян, идораи маҷаллаи «Пайванди қитъаҳо» ва Академияи рассомии миллии Синзян баён гардид.

Мавриди зикр аст, ки  «Пайванди қитъаҳо»- ягона маҷаллаи расмии Чин дар Тоҷикистон соли панҷум аст, ки ба забони тоҷикӣ ба табъ расида, дар густариши робитаҳои фарҳангӣ миёни ду кишвар нақши фаъол мебозад ва ҳамчун пули пайвандгари дӯстии Чин ва Тоҷикистон дониста мешавад.

Зикр шуд, ки Тоҷикистону Чин ҳамсояҳои қарин буда, дурнамои ҳамкорӣ миёни ин ду кишвари ҳамҷавор нек ба назар мерасад. Мардуми ин кишварҳо бояд дӯстию бародариро, ки ба шарофати Шоҳроҳи Бузурги Абрешим аз давраҳои қадим ба мерос мондааст, идома диҳанд.

 

Июль 28, 2017 09:30

Хабарҳои дигари ин бахш

Кӯдакону наврасони ноҳияи Шаҳринав ба истироҳат фаро гирифта мешаванд
Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад