Зиндагии муназзам — кафолати ҳаёти босаодат
ДУШАНБЕ, 05.09.2017 /АМИТ «Ховар»/. Имрӯз дар Мақомоти иҷроияи ҳокимияти давлатии ноҳияи Рӯдакӣ бо ширкати кормандони сохторҳои мақомоти иҷроия, имомхатибон, кормандони сохторҳои кудратӣ ва фаъолони ноҳия маҷлиси васеъ доир гардид.
Дар ҷамъомад сардори раёсати назорати умумии Прокуратураи генералии Ҷумҳурии Тоҷикистон, мушовири адлия Абдусамеъ Содиқзода дар бораи ба имзо расидани Қонуни Ҷумҳурии Тоҷикистон «Дар бораи ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» сухан гуфт. Ӯ махсусан моддаҳои алоҳидаи ин қонунро ба иштирокдорон шарҳ дода, иброз дошт, ки ҳадафи асосии қабули ин қонун беҳбудӣ бахшидан ба зиндагии мардум, хотима додан ба харҷу исрофкории беҳудаю бемаврид аст. Ҳамчунин мавсуф дар бораи аҳамияти бузурги Истиқлолияти давлатии Тоҷикистон, дастовардҳои солҳои соҳибистиқлолӣ, вазифаву масъулияти ҳар як шаҳрванд дар ин вазъи зудтағйирёбандаи ҷаҳон сухан гуфт.
Сокинони ноҳияи Рӯдакӣ Зайниддин Арбобов, Мавлуда Аюбова, Қандил Сабуров ҷонибдории хешро аз қабули тағйиру иловаҳо ба ин қонуни воқеан зарурӣ ва саривақтӣ иброз намуданд.
Раиси ноҳияи Рӯдакӣ Муҳаммадраҳим Юсуфӣ ба тамоми кормандони мақомоти марбута супориши қатъӣ дод, ки бо мақсади таҳкимбахшии қонун корҳои фаҳмондадиҳиро дар тамоми ҷамоату шаҳрак ва муассисаҳои ҳудуди ноҳия ҷоннок намоянд.
Зикр шуд, ки ҳадафи асосии қонуни танзим- пешгирии исрофу хароҷоти беҳуда буда, он барои беҳтар зиндагӣ кардани ҳар як сокини Тоҷикистон шароити мусоид фароҳам меорад.
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
