Имрӯз дастаи «Истиқлол» аввалин бозии таърихии худро дар Лигаи чемпионҳои Осиё мегузаронад

Февраль 12, 2019 09:15

ДУШАНБЕ, 12.02.2019. /АМИТ «Ховар»/. Чемпиони Тоҷикистон – «Истиқлол»-и Душанбе имрӯз бори аввал дар таърихи худ дар бозиҳои интихобии Лигаи чемпионҳои Осиё ширкат меварзад. 12 феврал футболбозони тоҷикистонӣ дар муқобили дастаи АГМК-и Алмалики Ӯзбекистон вориди майдони рақобат  мешаванд.

Тибқи низомномаи мусобиқаи Лигаи чемпионҳои Осиё, бозиҳои интихобӣ аз як вохӯрӣ иборат буда, дар сурати мусовӣ ҷамъбаст шудани он доварон ду қисми иловагии 15-дақиқагӣ таъйин мекунанд. Агар ғолиб дар ин сурат низ муайян нагардад, пас силсилаи зарбаҳои пеналтии баъдибозӣ яке аз дастаҳоро ба даври минбаъда роҳхат хоҳад дод.

Ғолиби бозии байни дастаҳои АГМК ва «Истиқлол» 19 феврал бо дастаи «Аннаср»-и Арабистони Саудӣ барои ба марҳилаи гурӯҳӣ ҳамроҳ шудан қувва месанҷад.

Имрӯз дар нишасти пешазбозии  масъулони клубҳои футболи АГМК ва «Истиқлол» ранги пироҳанҳои бозии дастаҳо муайян карда шуд ва истиқлолиҳо бо ранги сурх ба майдон меоянд.

Федератсияи футболи Тоҷикистон дар бастагӣ ба вохӯрии байни дастаҳои АГМК  ва «Истиқлол» барои мухлисони тоҷик сафари ройгон ташкил кард. Шаби гузашта се автобус ба шаҳри Алмалики Ӯзбекистон, ки аз шаҳри Тошканд дуртар мебошад, роҳ пеш гирифтанд.

Қобили тазаккур аст, ки клубҳои  футболи Ӯзбекистон ва Тоҷикистон дар доираи мусобиқоти  сатҳи  Осиё ҳанӯз соли 2001  18 сол муқаддам бо ҳам дидор анҷом дода буданд.  Дастаи «Регар-ТадАЗ» дар мусобиқаи Ҷоми КФО дар ду вохӯрӣ бар «Пахтакор»-и Тошканд (2:2, 3:1) пирӯз гардида буд.

Мо ба чемпиони ҳафткаратаи Тоҷикистон –дастаи «Истиқлол»-и Душанбе  барору комёбӣ таманно мекунем.

Февраль 12, 2019 09:15

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд
Се варзишгари навраси тоҷик аз намуди бокс ба даври ниҳоии Бозиҳои сеюми кишварҳои ИДМ роҳ ёфтанд
ФУТБОЛ. Шервонӣ Мабатшоев ва Алишер Тухтаев беҳтарин бозингар ва мураббии моҳи сентябр дониста шуданд