ДУШАНБЕ, 26.07.2019 /АМИТ «Ховар»/. 29 июл Академияи илмҳои Ҷумҳурии Тоҷикистон, Корхонаи воҳиди давлатии «Хоҷагии манзилию коммуналӣ», Донишкадаи идоракунии давлатии назди Президенити Ҷумҳурии Тоҷикистон оид ба ҷамъбасти шашмоҳаи аввали соли 2019 нишасти матбуотӣ баргузор менамоянд.

Нишасти матбуотии Академияи илмҳо соати 09:00 дар Маркази матбуоти ҷумҳуриявии АМИТ «Ховар» баргузор мешавад.

КВД «Хоҷагии манзилию коммуналӣ» нишасти матбуотиро соати 10:00 дар маҷлисгоҳи КВД «Хоҷагии манзилию коммуналӣ мегузаронад.

Нишасти матбуотии Донишкадаи идоракунии давлатӣ оид ба ҷамъбасти нимсола соати 11:00 дар толори Маркази матбуоти ҷумҳуриявии АМИТ «Ховар» мегузарад.

Хотиррасон мекунем, ки тибқи нақшаи Дастгоҳи иҷроияи Президенти Ҷумҳурии Тоҷикистон, масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуоти ҷумҳуриявӣ  (хиёбони Рӯдакӣ, 40, ошёнаи 2, телефонҳои 221-34-24, 888-08-34-04) гузаронидани онҳо мувофиқа мекунанд.

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  ба забонҳои тоҷикӣ ва русӣ нашр карда мешаванд.