Тоҷикистон дар вохӯрии 13-уми Гурӯҳи кории Барномаи махсуси СММ барои иқтисодиёти Осиёи Марказӣ оид ба савдо раисӣ намуд
ДУШАНБЕ, 05.07.2019. /АМИТ «Ховар»/. 4 июл дар доираи семинари сатҳи баланд оид ба савдо дар зерминтақаи Барномаи СММ барои иқтисодиёти Осиёи Марказӣ (СПЕКА) дар шаҳри Женеваи Конфедератсияи Швейтсария 13-умин вохӯрии Гурӯҳи корӣ оид ба савдои СПЕКА баргузор гардид. Онро муовини якуми Вазири рушди иқтисод ва савдои Ҷумҳурии Тоҷикистон Завқӣ Завқизода роҳбарӣ намуд.
Тавре АМИТ «Ховар» бо истинод ба Вазорати рушди иқтисод ва савдои ҷумҳурӣ хабар медиҳад, дар ҳамоиш масъалаҳои марбут ба имкониятҳо ва мушкилоти ҳамкорӣ байни кишварҳо, нақшаҳои татбиқшавандаи минтақавӣ, иҷрои муқаррароти Созишномаи Созмони Умумиҷаҳонии Савдо (СУС) оид ба содагардонии расмиёти савдо, табодули таҷрибаи давлатҳо, кумакҳои ҳамдигарӣ байни кишварҳои минтақа, таҳкими ҳамкорӣ ҷиҳати ноил шудан ба Ҳадафҳои Рушди Устувор, чораҳои ғайритарифӣ ва монеаҳои техникӣ дар савдо, содагардонии расмиёти савдо ва рушди устувори тиҷоратӣ дар минтақаи Осиёи Марказӣ мавриди баррасӣ қарор дода шуданд.
З. Завқизода дастовардҳои Ҷумҳурии Тоҷикистонро дар соҳаи савдои байналмилалӣ, аз қабили иштироки кишвар дар СУС, содагардонии расмиёти савдо, тақвияти рушди содирот ва тезонидани ҷараёни танаввӯи истеҳсолоти ба содирот нигаронидашуда муаррифӣ намуда, зикр кард, ки ҳанӯз имкониятҳои мавҷуда байни давлатҳои аъзои СПЕКА пурра истифода нашудаанд.
Инчунин зимни ҳамоиш бо мақсади таҳким бахшидан ба ҳамкории минбаъда вобаста ба савдо байни кишварҳои аъзои СПЕКА «Стратегияи минтақавии СПЕКА оид ба содагардонии савдо» ва санадҳои дахлдор оид ба савдои байналмилалӣ ва рушди устувор таҳия гардида, барои мувофиқа ба ҳукуматҳои кишварҳои аъзо ирсол гардиданд.
Ёдовар мешавем, ки Ҷумҳурии Тоҷикистон тайи солҳои охир роҳбарии Гурӯҳи кории СПЕКА оид ба савдоро ба уҳда дорад.








Дар Тоҷикистон шумораи субъектҳои фаъолияткунанда 4 фоиз зиёд гардидааст
Дар Хатлон ҳаҷми умумии истеҳсоли маҳсулоти кишоварзӣ беш аз 30 миллиард сомониро ташкил додааст
РУШДИ САНОАТ. Дар Тоҷикистон шумораи коргоҳу корхонаҳои истеҳсолӣ ба 4 ҳазор мерасад
Чаро имсол дар Тоҷикистон истеҳсоли асал кам гардидааст?
Дар Душанбе Конфронси байналмилалӣ оид ба зеҳни сунъӣ «AI Conf 2025» баргузор шуд
Ҳаҷми истеҳсоли маҳсулоти саноатӣ дар Суғд ба беш аз 28 миллиард сомонӣ расид
«AI CONF». Дар доираи конфронси байналмилалӣ намоишгоҳи иноватсионӣ баргузор гардид
Дар Шуғнон то охири сол неругоҳи барқи офтобӣ ба истифода дода мешавад
Дар Душанбе оид ба мониторинг ва арзёбии ҳуҷҷатҳои банақшагирии стратегӣ дар соли 2025 ҷаласа доир шуд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
Даври омӯзишии «Асосҳои моликияти зеҳнӣ» санҷиш, ҳифзу ҳимоя ва ҳуқуқвайронкуниҳои ин соҳаро фаро гирифт
Дар ноҳияи Мастчоҳ нақшаи ҷамъоварии пахта қариб 80 фоиз иҷро гардидааст






