Донишҷӯи Донишгоҳи миллии Тоҷикистон аввалин луғати тоҷикӣ-чинӣ барои телефони мобилӣ таҳия намуд
ДУШАНБЕ, 19.11.2019. /АМИТ «Ховар»/. Донишҷӯи Донишгоҳи миллии Тоҷикистон Ся Жан аввалин луғати тоҷикӣ-чинӣ барои телефони мобилиро таҳия намуд. Дар ин бора Ся Жан ба мухбири АМИТ «Ховар» хабар дод.
Ба гуфтаи ӯ, айни замон луғат дорои ҳазор калима аз забони тоҷикӣ ба чинӣ ва зиёда аз 5 ҳазор калима аз забони чинӣ ба тоҷикӣ буда, дар оянда ин шумора мутаносибан ба 10-ҳазорӣ расонида мешавад.
Ся Жан, ки худро Бобоҷон муаррифӣ мекунад, гуфт, ки ин корро ба хотири беҳтар намудани ҳолати мавҷудаи омӯзиши забонҳои тоҷикиву чинӣ барои дӯстдорони забон, таърих ва фарҳанги Тоҷикистону Чин анҷом додааст.
«Ман ҳангоми омӯхтани таърихи Тоҷикистон ба ҷамъоварии калимаҳои таърихӣ машғул шудам. Айни замон калимаҳои тоҷикиеро, ки ҳар рӯз истифода мешаванд, ҷамъоварӣ намуда, ба забони чинӣ тарҷума карда истодаам. Албатта, калимаҳои зиёде мавҷуданд, ки то ҳол ба барнома ворид нагардидаанд, вале марҳила ба марҳила кӯшиш менамоям онро пурратар намоям», — афзуд мавсуф.
Ин донишҷӯ чинӣ ба мо хабар дод, ки ҳоло ба коркарди луғати чинӣ-суғдӣ ва чинӣ-яғнобӣ машғул аст.
«Ба омӯзгорон ва профессорони Донишгоҳи миллии Тоҷикистон, ки дар таҳияи луғат ба ман кумак карданд, миннатдорӣ баён мекунам», — гуфт Ся Жан.
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
Дар Душанбе Фестивали фарҳангии Тоҷикистону Корея-2026 баргузор мешавад
Дар Тоҷикистон Рӯзҳои фарҳанги Федератсияи Русия баргузор мешаванд
Дар доираи Рӯзҳои фарҳанги Тоҷикистон дар Қирғизистон ҳамоиши илмӣ — адабӣ баргузор гардид
Дар маҳфили Фирдавсӣ дар Теҳрон аз сиёсати фарҳангии Пешвои миллат Эмомалӣ Раҳмон ёдовар шуданд
Зафаршо Иброҳимзода: «Осорхонаҳо оинаи кишваркушои таърих, фарҳанг ва тамаддуни ҳар халқу миллат мебошанд»
«КӮДАКОНУ НАВРАСОН — ОЯНДАИ МИЛЛАТ». Бахшида ба 35-солагии Истиқлолияти давлатӣ Озмуни ҷумҳуриявии филмноманависон доир мегардад
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ баргузор мешавад
