Вазорати кишоварзӣ: То имрӯз 79 тонна сабзавоти тару тоза ба бозор пешниҳод гардидааст

Январь 31, 2020 12:40

ДУШАНБЕ, 31.01.2020./АМИТ «Ховар»/. Имсол дар ҷумҳурӣ гармхонаҳои доимоамалкунанда дар 112,5 гектар фаъолият намуда истодаанд. Тибқи маълумоти фаврии Раёсати растанипарварии Вазорати кишоварзии Ҷумҳурии Тоҷикистон, то имрӯз кишоварзони мамлакат 79 тонна сабзавоти тару тоза ҷамъоварӣ намуда, ба бозор пешниҳод намуданд.

Бино ба иттилои манбаъ, Вазорати кишоварзии Ҷумҳурии Тоҷикистон пайваста кӯшиш менамояд, ки барои таъмини амнияти озуқаворӣ, баланд бардоштани ҳосилнокии зироати кишоварзӣ ва таъмини аҳолӣ бо сабзавоти тару тоза дар ҳамаи фаслҳои сол майдони умумии гармхонаҳои доимоамалкунандаро тибқи нақша сол аз сол зиёд намуда, ҳосилнокии онро афзун гардонад.

Тавре аз Вазорати кишоварзии Ҷумҳурии Тоҷикистон ба хабарнигори АМИТ «Ховар» иттилоъ доданд, имсол дар мамлакат дар майдони 45,81 гектар помидор,  14,50 гектар бодиринг ва 20,98 гектар дигар намуди сабзавот кишт карда шудааст, ки нисбат ба соли гузашта 14,35 гектар зиёд мебошад.

Кишоварзон  майдонҳои гармхонаҳоро самаранок ва оқилона истифода намуда, аз он ҳосили фаровон ба даст меоранд. То 17 январ аз гармхонаҳои доимоамалкунандаи ҷумҳурӣ ба миқдори 52,5 тонна помидор, 17,4 тонна бодиринг ва 9,1 тонна ҳосили дигар намуди сабзавот ҷамъоварӣ гардида, бозорҳои ҷумҳурӣ бо сабзавоти тару тоза пайваста таъмин гардида истодаанд.

Соли 2020 кишоварзон ният доранд, ки минтақаҳои дурдасти мамлакатро низ дар ҳама фасли сол бо маҳсулоти ватанӣ таъмин намоянд. Зеро сабзавоти тару тоза манбаи асосии витаминҳо ба шумор мераванд.

Январь 31, 2020 12:40

Хабарҳои дигари ин бахш

Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид