Тоҷикобод: маъракаи тарғиботию омодагии сафарбарнамоии ҷавонон ба сафи Қувваҳои Мусаллаҳ ҷараён доранд

Февраль 28, 2020 12:35

 ТОҶИКОБОД, 28.02.2020 /АМИТ «Ховар»/. Ду қаҳрамони  Иттиҳоди Шӯравӣ- Ҳайдар Қосимов ва Қудрат Қаюмов, инчунин як нафар қаҳрамони Россия-Муҳриддин Ашӯров зодагони ноҳияи Тоҷикобод мебошанд, ки  бо хизматҳои содиқонаашон ба халқу Ватан ва ҳимояи  он  имрӯз мояи ифтихору  сарфарозии  халқи тоҷик гардидаанд. Ҷавонони ноҳияи Тоҷикобод бояд ба ин ҳамдиёрони банангу номуси худ пайравӣ  намуда, қарзи фарзандии худро бо сари баланд адо намуда, ихтиёрӣ  ба хизмати ҳарбӣ раванд.

Ин даъват дар маъракаи тарғиботию омодагӣ ва сафарбарнамоии ҷавонон ба сафи Қувваҳои Мусаллаҳи Ҷумҳурии Тоҷикистон,  ҳамзамон мулоқоти роҳбарияти ноҳия бо ҷавонони синни даъватии 1993-2002, ки дар Комиссариати ҳарбии ноҳияи Тоҷикобод доир  гардид, садо дод.

Зимни мулоқот бо даъватшавандагоне, ки ба таври ихтиёрӣ ба комиссариати ҳарбӣ ҳозир шуда буданд, раиси ноҳияи Тоҷикобод Ҳамидулло Маҳмадшозода сухан гуфта, ҷавононро ба софдилонаю содиқона ҳимоя намудани марзу буми мамлакат даъват намуд. Дар навбати худ омодагии роҳбарияти ноҳия барои дастгирии ҳамаҷонибаи ҷавонон ҷиҳати дар оянда ба касбу ҳунарҳои гуногун фаро гирифтани онҳо таъкид карда шуд.

Зимни ҷамъомад раиси собиқадорони ҷангу меҳнат Абдусамад Идрисов аз корнамоиҳои диловарони тоҷик дар сафи Қувваҳои Мусаллаҳи Иттиҳоди Шӯравӣ ёдовар шуд. Номбурда зикр кард, ки «шумо, ҷавонон, ки ояндаи ин миллату давлат ҳастед,  доимо зираку ҳушёр бошед, то фазои орому осудаи имрӯзаи кишварро, ки ба ивази ҷони ҳазорон нафар ҷавонмардони бонангу номуси миллат ба даст омадааст, ҳамчун гавҳари чашм ҳифз намоед».

Пас аз мулоқот ҷавонони даъватшуда аз муоинаи тиббӣ гузашта, омодагии худро барои  дар рӯзи аввали даъват шомил шудан ба сафи Қувваҳои мусаллаҳӣ ҷумҳурӣ изҳор намуданд.

Февраль 28, 2020 12:35

Хабарҳои дигари ин бахш

Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад