«ХАТАРИ ОН ИМКОНПАЗИР, ВАЛЕ БА ЗАМИН ЗАРАР НАДОРАД». Академияи миллии илмҳои Тоҷикистон оид ба наздик шудани астероиди 2002

Июнь 3, 2020 11:46

 ДУШАНБЕ, 03.06.2020 /АМИТ «Ховар»/.  Астероиди 2002 NN4, ки 6 июн бояд  ҳаддалимкон  ба Замин наздик шавад, ба он хатаре надорад. Дар ин бора ба АМИТ «Ховар» дар  Институти  астрофизикаи Академияи миллии илмҳои Тоҷикистон  иттилоъ доданд.

«Астероиди навбатии эҳтимолан хатарнок ба Замин 6 июн, соати 3:20 бо вақти ҷаҳонӣ ва дар қаламрави Тоҷикистон соати 8:20-и субҳ бо вақти Душанбе наздик мешавад»,- гуфт директори Институти астрофизикаи Академияи миллии илмҳои Тоҷикистон доктори илмҳои физикаю математика  Гулчеҳра Қоҳирова.

Астероид дар масофаи камтарин бо Замин,  яъне 5 миллиону 100 ҳазор километр парвоз мекунад. Ба гуфтаи олим, ин масофа аз масофаи байни Замину Моҳ 12,7 маротиба  зиёдтар аст. Ин ҳолат бархӯрди  астероид бо Заминро имконнопазир мегардонад. Пас, ба ҳеҷ ваҷҳ набояд   хавотир шуд, зеро барои  ин асосе вуҷуд надорад.

Бо вуҷуди ин, саволе пайдо мешавад, ки чаро  ин астероидро  ҳанӯз ҳам хатарзо меноманд?

«Хатар доштани астероид имконпазир аст, зеро траекторияи парвози он мадори Заминро убур менамояд. Бори дигар зикр менамоем, ки аз рӯи ҳисоби ситорашиносон, ин ҷурми осмонӣ муттасил ба Замин наздик мегардад, то соли 2200 он ба сайёраи мо  зиёда аз 50 маротиба наздик мешавад.  Соли  2130  масофаи камтарини   наздикшавӣ тахминан  500 ҳазор  км хоҳад буд. Ин масофаро метавон бо масофаи  байни Моҳу Замин муқоиса кард»,-  изҳор намуд  Гулчеҳра Қоҳирова.

Бояд зикр намуд, ки астероиди мазкур соли  2002 кашф гардида,  ба худ рақами 163348  ва нишони  2002 NN4 гирифтааст ва андозаи он  0,7 км арзёбӣ мешавад.

Ёдрас менамоем, ки 29 апрел астероиди хавфнок, ки дар фазои байнисайёравӣ бо суръати нисбии 9 км/с ҳаракат дорад,  аллакай дар масофаи 6 миллион  км аз Замин парвоз кардааст.   Траекторияи парвози онро олимони тоҷик мушоҳида намудаанд.  Аз рӯи наздикшавӣ ба Замин ва андозааш  ин ҷирми осмонӣ чун  астероиди хатарзо тасниф карда мешавад.  Инҳо ҷисмҳоенд, ки андозаашон аз 100 метр зиёд буда, ба Замин ба масофаи 7,5 миллион  км ва камтар аз он наздик шуда метавонанд.

Июнь 3, 2020 11:46

Хабарҳои дигари ин бахш

Рӯзи Модар дар вилояти Суғд бо барномаи рангини ҳунарӣ таҷлил гардид
АМИТ «Ховар» муҳлати озмун барои дарёфти хабарнигорон, муҳаррирон ва тарҷумонҳоро то 20 март тамдид намуд
«МАРАВ ҚУИ САФЕДИ МАН …». 144 сол қабл дар Москва бори аввал дар ҷаҳон балети «Кӯли қувон» намоиш ёфт. Баъдтар шоҳкори мусиқии Чайковский дар саҳнаи театри тоҷик низ ба саҳна гузошта шуд
Дар саросари Тоҷикистон тӯли 15 рӯз маҳфили идонаи «Ширу шакар» баргузор мегардад
ҚУЛЛАИ РАҲИМ МАСОВ. Боз як қуллаи дигари Помир тағйири ном кард
Сезин Синаноғлу: СММ барои рушди сайёҳӣ дар Тоҷикистон ҳамкории фарогир ба роҳ мемонад
Бахшида ба Рӯзи Модар аксияи «Фидои дасти дуои модар» доир мегардад
Дар Донишкадаи давлатии фарҳанг ва санъат озмунҳои «Чакомаи гесӯ», «Сад ранги чакан» ва «Кадбонуи беҳтарин» доир шуданд
«Инъикоси дастовардҳои истиқлолият дар матбуоти даврӣ». Таҳти ин унвон дар Китобхонаи миллӣ ҳамоиш доир шуд
Осорхонаи миллии Деҳлӣ ба шарафи 110-солагии Мирзо Турсунзода дар Тоҷикистон намоишгоҳ доир менамояд
«Неруи сеҳрноки маҷрои кабуд». Мактаббача аз Тоҷикистон дар озмуни байналмилалӣ мақоми аввалро касб кард
БЕҲТАРИН ҲАДЯ-КИТОБ АСТ! Нашриёти «Адиб» ба шарафи Рӯзи Модар намоиш-фурӯши китобҳои тозанашрро доир менамояд

Маводҳои таҳлилӣ