«Амонатбонк» барои рушди соҳаи сайёҳӣ ва ҳунарҳои мардумӣ 3,4 миллион сомонӣ қарз пешниҳод намуд

Июль 21, 2020 13:00

ДУШАНБЕ, 21.07.2020. /АМИТ «Ховар»/. Дар робита ба эълон гардидани солҳои  2019-2021  Солҳои  рушди деҳот, сайёҳӣ ва ҳунарҳои  мардумӣ  ва ҷиҳати саҳм гузоштан дар рушди соҳаи сайёҳии мамлакат, эҳёи анъанаҳои миллӣ ва рушди минбаъдаи ҳунарҳои мардумӣ   Бонки давлатии амонатгузории Ҷумҳурии Тоҷикистон «Амонатбонк» аз ҳисоби захираҳои худӣ имсол ба 178 нафар соҳибкор  ба маблағи 3,4 миллион сомонӣ маблағҳои қарзӣ пешниҳод намудааст.

Раиси Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ  имрӯз зимни нишасти матбуотӣ дар ҷамъи хабарнигорон гуфт, ки  сандуқи қарзии Бонки давлатии амонатгузории Ҷумҳурии Тоҷикистон «Амонатбонк» 691,2 миллион сомонӣ ва теъдоди қарзгирон аз рӯи бақия  беш аз 32 ҳазору 400 нафарро  ташкил медиҳад, ки аз ин ба соҳаҳои  саноат 14 фоиз, кишоварзӣ 24 фоиз, истеъмолӣ 16 фоиз, сохтмон 7,4 фоиз, тиҷорат 27,1 фоиз, нақлиёт 9,4 фоиз  ва дигар хизматрасониҳо,  аз қабили сайёҳӣ, тандурустӣ, хӯроки умумӣ 3,1 фоиз рост меояд.

Сироҷиддин Икромӣ зимни натиҷагирӣ аз фаъолияти Бонки давлатии амонатгузории  Ҷумҳурии Тоҷикистон  «Амонатбонк» дар шашмоҳаи аввали соли равон зикр кард, ки бонки мазкур  ба 22 ҳазор корхонаю ташкилот ва 743 ҳазор нафар  нафақагирони мақомоти  ҳифзи иҷтимоии аҳолӣ  ва ҳифзи ҳуқуқ беш аз 1,6 миллион нафар  пасандозгузорон  тавассути 75 филиал  ва 546 маркази хизматрасонии бонкӣ бо шумораи 2800 нафар кормандон дар саросари  мамлакат хизмат мерасонад.

Зикр гардид, ки то 30 июни соли равон дороиҳои Бонки давлатии амонатгузории Ҷумҳурии Тоҷикистон «Амонатбонк»  4,2 миллиард сомонӣ ва уҳдадориҳояш  3,8 миллиард сомониро ташкил дода, пардохтпазирии бонк  дар сатҳи баланд нигоҳ дошта шуда, маблағҳо сари вақт ба ҳисобҳои  дахлдор гузаронида шуданд. Инчунин дар ин давра сармояи Бонк  ба андозаи 6,6 фоиз афзоиш ёфта, ба 444,6 миллион сомонӣ  баробар гардида, даромади софи бонк 23,9 миллион сомониро ташкил дод, ки нисбат ба ҳамин давраи соли гузашта  17,5 фоиз  зиёд мебошад.

Июль 21, 2020 13:00

Хабарҳои дигари ин бахш

МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд