Дар Консерваторияи миллии Тоҷикистон қабули ҳуҷҷатҳо барои дохилшавандагони соли таҳсили 2020-2021 тамдид мегардад

Июль 27, 2020 11:50

ДУШАНБЕ, 27.07.2020 /АМИТ «Ховар»/. Қабули ҳуҷҷатҳо барои дохилшавандагони соли таҳсили 2020-2021 дар Консерваторияи миллии Тоҷикистон ба номи Талабхӯҷа Сатторов то 1 август идома меёбад ва хоҳишмандон метавонанд ҳуҷҷатҳои худро ба ин муассиса супоранд. Ҳамчунин дар нақша аст, ки қабули ҳуҷҷатҳо тамдид карда шавад. Дар ин бора имрӯз зимни нишасти матбуотӣ ректори Консерваторияи миллии Тоҷикистон Миралӣ Достизода ба хабарнигорон ибрози назар намуд.

Миралӣ Достизода зикр намуд, ки аз соли 2014 инҷониб Консерватияи миллии Тоҷикистон барои ҷалби беҳтарин истеъдодҳои соҳаи санъат дар муассиса комисияи қабул таъсис додааст. Инчунин аз ҷониби  омӯзгорони муассиса гурӯҳи кории махсусе таъсис ёфтааст, ки ба ноҳияҳои дурдасттарини мамлакат сафар намуда, нафарони соҳибистеъдодро барои таҳсил даъват менамояд.

Дар нишаст иброз намуданд, ки Консерваторияи миллии Тоҷикистон ба номи Талабхӯҷа Сатторов ягона муассисаи таҳсилоти олиест, ки дар Ҷумҳурии Тоҷикистон мутахассисони соҳаи мусиқии касбӣ тарбия менамояд. Он тамоми фаъолияти худро барои беҳтар намудани сифати таълим, таҳия ва татбиқи стандартҳо, нақшаҳои таълимӣ, корҳои илмӣ-методӣ, илмӣ-тадқиқотӣ ва эҷодиву иҷрокунандагӣ, таълифи китобҳои дарсӣ ва ҳавасмандсозии омӯзгорони ҷавон равона кардааст.

Ҳамчунин зикр гардид, ки дар консерватория 1 донишҷӯ аз Россия, 8 нафар аз Ӯзбекистон, 1 нафар аз ИМА, 1 нафар аз Корея, 1 нафар аз Эрон ва 1 нафар аз Ҳиндустон таҳсил менамоянд.

Ба гуфти  ректори Консерватория, дар давраи пандемия донишҷӯёни хориҷӣ ба ватани худ барнагаштанд ва аз ҷониби муассиса онҳо бо хобгоҳ таъмин гардиданд.

Баҳри ба сатҳи байналмилалӣ бардоштани ҷараёни таҳсил ба ҳайси омӯзгор ба Консерватория мутахассисони барҷастаи хориҷӣ, аз ҷумла профессорони Консерваторияи Ҷумҳурии Ӯзбекистон Мустафо Бафоев,  пианинанавоз аз Ҷумҳурии Қирғизистон Зайтуна Наримбаева, Исматулло Тағойқулов аз Ҷумҳурии Ӯзбекистон ҷалб карда шудаанд. Инчунин дар муассиса олимони шинохта ва устодони варзида ба таълиму тарбияи насли наврас машғуланд.

Дар Консерватория се факултет- иҷрокунандагӣ, мусиқии суннатии тоҷик, санъати мусиқии эстрада ва 13 кафедра фаъолият мекунанд. Таҳсил дар ин муассиса аз рӯйи низоми кредитӣ ва омода намудани 14 ихтисоси зерин, ба монанди фортепиано, созҳои оркестрӣ (торӣ-камончадор), созҳои оркестрӣ (нафасӣ), созҳои миллӣ, дирижёри хор, дирижёри оркестри симфонӣ,  сарояндагии академӣ (операвӣ),  мусиқишиносӣ, композиторӣ, сарояндагии эстрадӣ,  режиссураи овоз, сарояндагии суннатӣ ва навозандагии суннатӣ ба роҳ монда шудааст.

Июль 27, 2020 11:50

Хабарҳои дигари ин бахш

«СИМО ВА РАНГ». Дар Самарқанд намоиши асарҳои бадеии рассомони Тоҷикистон ва Узбекистон баргузор мешавад
Имрӯз Намоиши 11-уми байналмилалии «Китоби Душанбе» баргузор гардид
Роҳбарияти Вазорати фарҳанг бо корҳои анҷомёфта дар ёдгории таърихӣ-фарҳангии шаҳристони Тахти Сангин шинос гардид
Дар Душанбе вобаста ба хусусияти экологии гуногунии биологӣ конференсияи байналмилалӣ доир мешавад
СУРАТГУЗОРИШ. Осорхонаи миллии Тоҷикистон барои баргузории Намоишгоҳи 11-уми байналмилалии «Китоби Душанбе» омода мебошад
Пагоҳ Намоишгоҳи 11-уми байналмилалии «Китоби Душанбе» оғоз меёбад
ФАЪОЛИЯТИ БИБЛИОГРАФӢ ДАР КИТОБХОНАҲО. Вобаста ба он дар китобхонаҳои Рашт ва Лахш омӯзишҳо баргузор шуданд
«СОЛИ 2025-СОЛИ БАЙНАЛМИЛАЛИИ ҲИФЗИ ПИРЯХҲО». Ба ин муносибат филми мустанад — «Пиряхҳои Тоҷикистон» таҳия мегардад
«КИТОБИ ДУШАНБЕ». Дар Осорхонаи миллии Тоҷикистон Намоишгоҳи 11-уми байналмилалӣ доир мегардад
Сайри ёдгориҳои Қалъаи Кӯҳи Муғ, Қалъаи Қум ва Гардани Ҳисор таваҷҷуҳи сайёҳону меҳмононро дар бораи таърихи тоҷикон меафзояд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи Мавлоно Ҷалолиддини Балхӣ
Дар Қубодиён дар мавзуи «Эҳёи таъриху фарҳанги бостонӣ дар Ҷумҳурии Тоҷикистон» ҷаласаи Шурои ҷамъиятии Тоҷикистон баргузор шуд