Судҳои иқтисодӣ 1851 парвандаро баррасӣ намуданд, ки ин нисбат ба ҳамин давраи соли гузашта 191 адад зиёд аст

Июль 22, 2020 13:55

ДУШАНБЕ, 22.07.2020. /АМИТ «Ховар»/. Соли равон дар судҳои иқтисодии мамлакат 1851  парвандаҳои иқтисодӣ баррасӣ гардида, аз ҷониби суди марҳилаи якум бо парвандаҳо 1509 санадҳои судӣ қабул шудаанд.

Раиси Суди Олии иқтисодии Ҷумҳурии Тоҷикистон Мавлуда Қаландарзода  имрӯз дар нишасти матбуотӣ ба намояндагони воситаҳои ахбори омма гуфт, ки дар ин  давра 1049 парванда моҳиятан ҳал гардида, доир ба баҳс ҳалномаи судӣ бароварда шуд. Дар 56 парванда истеҳсолот  қатъ карда шуда, 74 ариза бе баррасӣ  мононда, қабули 12 ариза рад ва 318 ариза  бинобар ба талаботи қонунгузории  мурофиавии  иқтисодӣ  мутобиқ набуданашон  баргардонида шуданд. Инчунин дар ин давра 207 парванда дар марҳилаи кассатсионӣ ва  135 парванда дар  марҳилаи назоратӣ  баррасӣ гардиданд.

Зикр шуд, ки  шумораи умумии  парвандаҳои баррасишуда нисбат ба ҳамин давраи соли гузашта 191 адад зиёд гардидааст.

Бо дахли баланд бардоштани савияи касбии судяҳои судҳои иқтисодии мамлакат Мавлуда Қаландарзода гуфт, ки  тибқи Нақшаи Суди Олии иқтисодӣ бо иштироки судяҳо, кормандони  дастгоҳи судҳо ҳар моҳ машғулиятҳои семинарӣ ва ҷаласаҳои корӣ гузаронида мешаванд. Инчунин дар самти тарбия, интихоб ва ҷобаҷогузории дурусти  кадрҳо дар ин давра 5 нафар судҳо  дар судҳои иқтисодии  шаҳри Душанбе,   вилоятҳои Суғду Хатлон ротатсия карда шуда, 5 корманди дастгоҳи марказии судҳои иқтисодӣ дар Донишкадаи идоракунии давлатии  назди Президенти  Ҷумҳурии Тоҷикистон  ба такмили ихтисос фаро гирифта шудаанд.

Июль 22, 2020 13:55

Хабарҳои дигари ин бахш

Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
Дар доираи Форуми тиҷоратӣ имконият ва фазои сармоягузории Тоҷикистон ба доираҳои соҳибкории Ҷопон муаррифӣ шуд
Дар доираи «Kazanforum 2024» байни Вазорати нақлиёти Тоҷикистон ва Вазорати нақлиёт ва хоҷагии роҳҳои Тотористон Ёддошти тафоҳум ба имзо расид
Корхонаи шаҳри Хоруғ қуттиҳои гуногуни оҳанин барои партов ва сутунҳои барқӣ истеҳсол менамояд
Дар ноҳияи Ҳамадонӣ беш аз 1 миллион сомонӣ қарзҳои андоз кам шуданд
Дар Шаҳринав 360 гектар замини корам бо оби полезӣ таъмин гардид
ШУМОРАИ ХОҶАГИҲОИ ТУХМИПАРВАРӢ ДАР ТОҶИКИСТОН БА 128 АДАД РАСИД. Аммо норасоии тухмии зироати кишоварзӣ то ба ҳол боқӣ аст
Дар ноҳияи Шаҳристон кишти картошка идома дорад
Дар шаҳри Гулистон 6 коргоҳу корхонаи нави саноатӣ ба истифода дода мешавад
Имсол кишоварзони Тоҷикистон дар зиёда аз 440 ҳазор гектар кишти баҳории зироат мегузаронанд
Дар шоҳроҳи Обигарм-Нуробод дарозтарин пул бунёд мешавад
Директори идории Хазинаи байналмилалии асъор Кристалина Георгиева бо ҷараёни корҳо дар Неругоҳи барқи обии «Роғун» шинос шуд