Дар Москва машваратҳои вазоратҳои корҳои хориҷии Тоҷикистон ва Россия баргузор гардиданд
ДУШАНБЕ, 09.10.2020 /АМИТ «Ховар»/. 8 октябр дар Москва машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Федератсияи Россия баргузор шуданд.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, ҳайатҳои тарафҳоро муовини Вазири корҳои хориҷии Тоҷикистон Музаффар Ҳусейнзода ва муовини Вазири корҳои хориҷии Россия Андрей Руденко роҳбарӣ карданд.
Дар машваратҳо тарафҳо ҳолат ва дурнамои густариши муносибатҳои ҳампаймонии Тоҷикистон ва Россияро баррасӣ карда, доир ба масъалаҳои муҳими минтақавӣ ва байналмилалии мавриди эҳтимоми муштарак табодули афкор намуданд.
Аҳамияти амалисозии батадриҷи тавофуқҳое, ки байни сарони ду давлат ҳосил шуда буданд, барои таҳким ва тавсеаи бештари ҳамкории мутақобилан судманд байни ду кишвари дӯст таъкид гардид.
Зарурати истифодаи васеи зарфиятҳои парлумонҳои ду кишвар, танзими сафарҳои ҳайатҳои парлумонӣ ва баргузор намудани ҳамоишҳои байнипарлумонӣ таъкид шуд.
Аз ҳамкории босамари ду кишвар дар чаҳорчӯби созмонҳои байналмилалӣ ва минтақавӣ, ба монанди Созмони Милали Муттаҳид, Иттиҳоди Давлатҳои Мустақил, Созмони ҳамкории Шанхай ва Созмони Аҳдномаи амнияти дастаҷамъӣ изҳори қаноатмандӣ шуд.
Акс аз ВКХ
Вазорати корҳои хориҷии Тоҷикистон: масъалаи ташкили се парвози чартерӣ дар самти «Душанбе — Алмаато — Душанбе» ҳамоҳанг мешавад
Сафири навтаъйини Тоҷикистон дар Миср нусхаи эътимодномаи худро супорид
Ҳайати Тоҷикистон дар чорабиниҳои «Рӯзҳои СААД» дар Москва иштирок намуд
Сафири Ҷумҳурии Тоҷикистон нусхаи эътимодномаро ба муовини вазири корҳои хориҷии Арабистони Саудӣ супорид
Барқарор гардидани муносибатҳои дипломатӣ миёни Ҷумҳурии Тоҷикистон ва Ҷумҳурии Ангола
Дар Москва бахшида ба интихоботи Президенти Ҷумҳурии Тоҷикистон брифинг баргузор гардид
Ҷумҳурии Тоҷикистон бо Ҷумҳурии Сиерра-Леоне муносибатҳои дипломатӣ барқарор намуд
Изҳори миннатдории Намояндагии Вазорати корҳои хориҷии Россия дар Екатеринбург ба Консули генералии Тоҷикистон
Сироҷиддин Муҳриддин ва Такаюки Мияшита Ёддоштҳои табодулиро дар бораи Лоиҳаи бурсияҳои таҳсил имзо намуданд
Муовини Сарвазири мамлакат Ширин Исматуллозода бо Ҳамоҳангсози кишварии СММ дар Тоҷикистон Сезин Синаноғлу мулоқот намуд
ТОҶИКОН ВА ӮЗБЕКОН: ДӮСТӢ БИМОНАД ҶОВИДОН. Ҳайати кишвари ҳамсоя таҳти роҳбарии Сарвазири Ӯзбекистон Абдулло Орипов дар Душанбе қарор дорад
