Лоиҳаи Қонуни Ҷумҳурии Тоҷикистон «Дар бораи муқовимат ба терроризм» дар ҷаласаи Шӯрои ҷамъиятӣ баррасӣ гардид
ДУШАНБЕ, 02.10.2020 /АМИТ «Ховар»/. Лоиҳаи Қонуни Ҷумҳурии Тоҷикистон «Дар бораи муқовимат ба терроризм» ва пешниҳодоти ташкилоту созмонҳои узви Шӯрои ҷамъиятии Ҷумҳурии Тоҷикистон ба лоиҳаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» барои соли 2021 дар ҷаласаи навбатии Шӯрои ҷамъиятии Ҷумҳурии Тоҷикистон мавриди баррасӣ қарор дода шуданд, хабар медиҳад АМИТ “Ховар” бо истинод ба котиботи Шӯрои ҷамъиятии ҶТ.
Бино ба иттилои манбаъ, оид ба лоиҳаи қонуни мазкур Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Зариф Ализода, котиби ҳамоҳангсози Шӯрои ҷамъиятии Ҷумҳурии Тоҷикистон Нуралӣ Саидов, муовини якуми Прокурори генералӣ Абдуғаффор Ҳикматуллозода, муовини якуми Вазири адлия Шараф Каримзода, муовини якуми Вазири корҳои дохилӣ Абдураҳмон Аламшозода ва муовини Раиси Кумитаи давлатии амнияти миллӣ Нусратулло Мирзоев ибрози назар намуда, ба саволҳои иштирокчиёни ҷаласа посухҳои муфассал доданд.
Зимни мубоҳиса оид ба масъалаи болозикр раисони ташкилоту созмонҳои узви Шӯрои ҷамъиятӣ Ф. Раҳимӣ, С. Усмонзода, У. Бобозода, И. Файзизода, Ш. Каримов, Б. Қурбониён, А. Мӯсоев, Б. Зуҳуриддинов, С. Сайфуллоев, В. Ким, Р. Мусоева, М. Улҷабоева, А. Маҳмадазимов ва дигарон сухан гуфта, фикру мулоҳизаҳои худро оид ба лоиҳаи Қонуни Ҷумҳурии Тоҷикистон «Дар бораи муқовимат ба терроризм» аз нигоҳи ҷомеаи шаҳрвандӣ изҳор карданд.
Котиботи Шӯрои ҷамъиятӣ пешниҳодҳои ташкилоту созмонҳои узви Шӯрои ҷамъиятиро оид ба ворид намудани тағйиру иловаҳо ба лоиҳаи Қонуни Ҷумҳурии Тоҷикистон «Дар бораи муқовимат ба терроризм» ҳамаҷониба таҳлил намуда, ба сохторҳои марбута ирсол намуд.
Дар интиҳои ҷаласа Н.Саидов иброз намуд, ки Шӯрои ҷамъиятӣ тасмим гирифтааст тавассути нашри мақолаҳо дар рӯзномаву маҷаллаҳо ва шабакаҳои иҷтимоӣ оид ба дастовардҳои Ҳукумати ҷумҳурӣ таҳти Роҳбарии Президенти Ҷумҳурии Тоҷикистон, Пешвои муаззами миллат, Раиси Шӯрои ҷамъиятии Ҷумҳурии Тоҷикистон муҳтарам Эмомалӣ Раҳмон корҳои фаҳмондадиҳӣ ва таблиғоту ташвиқотро пурзӯр намоянд.
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
