СММ таназзули тиҷорати ҷаҳониро соли 2020 то 7-9% пешбинӣ мекунад

Октябрь 21, 2020 11:45

ДУШАНБЕ, 21.10.2020 /АМИТ «Ховар»/.  Таназзули тиҷорати ҷаҳонӣ бар асари  пандемияи коронавирус дар соли 2020 нисбат ба соли гузашта 7-9% -ро ташкил хоҳад дод. Тавре АМИТ «Ховар» бо истинод ба ТАСС хабар медиҳад, ин пешгӯӣ рӯзи чоршанбе, 21 октябр дар Конфронси СММ оид ба тиҷорат ва рушд (ЮНКТАД) иброз гардид.

«Сарфи назар аз нишонаҳои барқароршавӣ, дар семоҳаи сеюм ЮНКТАД таназзули тиҷорати ҷаҳониро дар соли 2020 дар ҳаҷми аз 7 то 9% пешгӯӣ мекунад», — зикр шудааст дар  бюллетени ин созмон.

Ҳангоми ҷамъбасти семоҳаи сеюми соли 2020 нисбат ба ҳамин давраи соли гузашта коҳиши тиҷорати ҷаҳонӣ то панҷ фоиз ба қайд гирифта шуд. Аммо ин натиҷа назар ба семоҳаи дуввум, ки коҳиш ба 19% расида буд, ба таври назаррас беҳтар аст, шарҳ медиҳанд коршиносон. Тибқи пешгӯиҳои пешакӣ, дар семоҳаи чорум тиҷорати ҷаҳонӣ аз минтақаи сурх баромада наметавонад ва нисбат ба семоҳаи чоруми 2019 3% камтар хоҳад буд.

ЮНКТАД ба «ҷоннокшавии қобили мулоҳизаи тиҷорат дар Чин» таваҷҷуҳ зоҳир менамояд. «Содироти ин кишвар, ки дар моҳҳои нахустини пандемия ба коҳиш мувоҷеҳ шуд, дар семоҳаи дуюм мӯътадил ва дар семоҳаи сеюм хеле афзоиш ёфт», — зикр шудааст дар бюллетен. Коршиносон суръати афзоиши тиҷоратро дар Чин то охири соли 2020 тақрибан 10% пешгӯӣ мекунанд. «Дар тафовут бо дигар иқтисодҳои бузург, воридоти Чин дар моҳҳои июл ва август ба эътидол омад ва моҳи сентябр 13% афзоиш ёфт», — зикр  намуданд дар ЮНКТАД.

Тиҷорати маводи тиббии зарурӣ барои мубориза бо коронавирус аз моҳи апрел ба ҳисоби миёна беш аз 50% афзоиш ёфтааст. Дар ҳамин ҳол кишварҳое, ки даромадашон ба сари аҳолӣ баланд мебошад, аз ин афзоиш бештар фоида бурдаанд, -омадааст дар бюллетен.

                                                                        АКС аз бойгонӣ

Октябрь 21, 2020 11:45

Хабарҳои дигари ин бахш

Ҳиссаи хоҷагиҳои ҷамъиятӣ дар ҳаҷми умумии маҳсулоти кишоварзӣ бештар гардидааст
Дар ноҳияи Муъминобод кишти зироати кишоварзӣ идома дорад
НАҚЛИЁТИ БАРҚӢ. Тоҷикистон ба мавҷи аккумуляторҳои истифодашудаи онҳо чӣ гуна омодагӣ мебинад?
Муовини якуми Сарвазири Ҷумҳурии Тоҷикистон бо Президенти Гурӯҳи Бонки ҷаҳонӣ мулоқот намуд
Тоҷикистон дар самти моликияти зеҳнӣ дар даврони соҳибистиқлолӣ ба 39 созишномаю конвенсияҳои байналмилалӣ ҳамроҳ шуд
Бахшида ба Рӯзи байналмилалии моликияти зеҳнӣ як зумра ихтироъкорони Тоҷикистон қадрдонӣ карда шуданд
Дар Тоҷикистон шумораи субъектҳои хоҷагидорӣ 5,1 фоиз зиёд гардидааст
Ҳайати Тоҷикистон дар Малайзия бо дастовардҳо дар самти татбиқи Ҳадафҳои Рушди Устувор шинос гардид
Байни Тоҷикистон ва Русия дар соҳаи энергетика Протоколи муҳим ба имзо расид
Дар Душанбе доир ба масъалаи равишҳои инноватсионӣ дар соҳаи тиб ҳамоиш доир шуд
Сарвазири Тоҷикистон Қоҳир Расулзода бо Раиси Ҳукумати Федератсияи Русия Михаил Мишустин мулоқот намуд
Раванди панҷ ҳуҷҷати банақшагирии стратегӣ дар ҷаласаи навбатии Гурӯҳи кории байниидоравӣ баррасӣ шуд