Дар Литсеи касбии техникии шаҳри Ҳисор бо дастгирии волидайн ду синфхонаи иловагӣ сохта шуд
ҲИСОР, 19.01.201 /АМИТ «Ховар»/. Ба ифтихори ҷашни 30-солагии Истиқлоли давлатии Ҷумҳурии Тоҷикистон дар Муассисаи давлатии таълимии “Литсеи касбии техникии шаҳри Ҳисор” бо дастгирии волидайни хонандагон ду синфхонаи иловагӣ ба истифода дода шуд. Ҳамзамон бинои муассисаро таъмири ҷорӣ намуда, қисми зиёди дару тирезаҳои фарсудаи онро бо дару тирезаҳои пластикӣ иваз намуданд.
Директори Литсеи касбии техникии шаҳри Ҳисор Миҷгона Раҳимӣ ба хабарнигори АМИТ «Ховар» Субҳониддини Маҳмуд изҳор дошт, ки то ҷашни 30-солагии Истиқлоли давлатӣ саҳни муассисаро бетонпӯш намуда, барои зиёда аз 45 нафар хонандагон аз ноҳияҳои дурдасти мамлакат хобгоҳ омода менамоянд.
Мушкилии асосии Литсеи касбии техникии шаҳри Ҳисор- ин надоштани устохонаҳои таълимии истеҳсолӣ мебошад. Аз ин рӯ роҳбарони муассиса гуфтанд, ки дар сурати аз тарафи Вазорати меҳнат, муҳоҷират ва шуғли аҳолии Ҷумҳурии Тоҷикистон дастгирӣ ёфтани ин масъала то ҷашни 30-солагии Истиқлоли давлатӣ метавонанд 4 устохонаҳои таълимии истеҳсолӣ ба истифода диҳанд.
Дар муассиса 416 нафар хонандагон аз рӯйи 6 ихтисос, аз ҷумла тракторчӣ-машинисти истеҳсолоти кишоварзӣ, системаи компютерӣ ва интернет-технология, кафшергари газию барқӣ, дӯзандагӣ, ронандаи мошин ва челонгар оид ба таъмири мошин таълим мегиранд.
Барои касбомӯзии сокинони шаҳр дар муассиса курсҳои кӯтоҳмуддат аз рӯи панҷ ихтисос амал мекунанд. Аз сабаби надоштани устохонаҳои истеҳсолӣ муассисаи мазкур бо 12 корхонаи истеҳсолии кишоварзии шаҳри Ҳисор шартнома бастааст. Ҳонандагони муассиса дарсҳои таҷрибавию истеҳсолии худро дар ин корхонаҳо гузаронида, малакаи касбиашонро зиёд менамоянд.
Дар баъзе минтақаҳои Тоҷикистон чангу ғубор ба амал меояд
Вазири адлияи Тоҷикистон бо Комиссари Олии СММ оид ба ҳуқуқи инсон мулоқот намуд
«ХУДШИНОСӢ — ОМИЛИ ТАҲКИМИ ИСТИҚЛОЛ ВА ДАВЛАТДОРИИ МИЛЛӢ». Оид ба ин мавзуъ даври омӯзишӣ оғоз гардид
Дар Душанбе даври ҷумҳуриявии озмуни «Сайри гули лола» баргузор мегардад
Дар ноҳияи Тоҷикобод лоиҳаи нави таъмини оби тоза барои сокинони деҳаи Сабзазор амалӣ мешавад
МАСЛИҲАТИ МУТАХАССИС. Истеъмоли чукрӣ ба кам шудани моддаи қанд дар таркиби хун мусоидат мекунад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
Дар Душанбе ҷаласаи Шурои ҳамоҳангсозӣ бо донорҳо ва шарикони рушд дар соҳаи меҳнат, муҳоҷират ва шуғли аҳолӣ баргузор шуд
Тоҷикистону Чин ҳамкориро дар бахшҳои сиёсӣ, иқтисодӣ ва гуманитарӣ тақвият медиҳанд
Дар шаҳри Ваҳдат бо мақсади баланд бардоштани ҳувияти миллии ҷавонон ҳамоиш доир шуд
Байни Тоҷикистон ва Арабистони Саудӣ дар самти таҳсилоти касбӣ Ёддошти тафоҳум ба имзо расид
Сокинони ноҳияи Тоҷикобод аз муоинаю ташхисҳои тиббии ройгон гузаронида шуданд
