Фаъолзанони шаҳри Хуҷанд бо шароити зист ва хизмати сарбозон шинос шуданд

Февраль 22, 2021 16:09

ДУШАНБЕ, 22.02.2021 /АМИТ «Ховар»/. Дар арафаи Рӯзи Артиши миллӣ бо иқдоми шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд як гурӯҳ фаъолзанон иборат аз намояндагони мақомоти маҳаллии шаҳр, соҳибкорзанон, раисони шӯрои кор бо занони маҳаллаҳои шаҳр ва модароне, ки фарзандонашон дар сафи Қувваҳои мусаллаҳи мамлакат адои хизмат менамоянд, сарбозони Баталёни  қисми низомии Раёсати иҷрои ҷазои ҷиноятии Вазорати адлияи Ҷумҳурии Тоҷикистон, воқеъ дар вилояти Суғдро аёдат намуданд.

Тавре ба хабарнигори минтақавии АМИТ «Ховар»  аз Мақомоти иҷроияи ҳокимияти давлатии шаҳри Хуҷанд хабар доданд, аёдати  мазкур ба ифтихори 28-умин солгарди Рӯзи таъсиси Қувваҳои Мусаллаҳи Ҷумҳурии Тоҷкистон барпо шуда, ҳадафи он шиносоии модарон бо ҳаёти имрӯзаи сарбозии фарзандонашон буд.

Зимни мулоқот бо сарбозон ва ҳайати қисми низомии мазкур намояндагони мақомоти иҷроияи ҳокимияти давлатии шаҳр изҳор намуданд, ки “имрӯз сарбозону афсарони Қувваҳои мусаллаҳи Ҷумҳурии Тоҷикистон рисолати касбии худро сарбаландона ба ҷо оварда, дар таҳкими пояҳои давлатдорӣ ва истиқрори сулҳу субот ҳамчун неруи тавоно ва қудратманд саҳми босазо гузошта истодаанд. Аз ин лиҳоз, адои хизмат дар сафҳои Артиши миллӣ на танҳо қарзи муқаддаси фарзандӣ, балки мояи ифтихор ва шарафи бузург буда, хизмати ҳарбӣ барои ҳар ҷавонмард ҳамчун мактаби ҷасорату матонат, дӯстиву рафоқат ва худогоҳиву меҳанпарастӣ хизмат мекунад”.

Ба иттилои масъулини Осорхонаи таърихии вилояти Суғд, бахшида ба 28-солагии таъсиси Қувваҳои мусаллаҳи мамлакат дар Осорхонаи вилоятӣ вохӯрии судманд бо иштироки афсарону сарбозони қисми ҳарбии  ВКД ҶТ дар шаҳри Хуҷанд баргузор гардид. Дар он намояндагон аз Шӯрои собиқадорони ҷанговарони интернатсионалисти шаҳри Хуҷанд, раёсати фарҳанги вилоят, донишҷӯёни Донишгоҳи давлатии Хуҷанд ва кормандони Маҷмааи фарҳангию таърихии «Қалъаи Хуҷанд» ширкат доштанд.

Дар ҳамоиш иштирокдорон оид ба нақши Артиши миллӣ дар таъмини амнияти давлат ва зиндагии осоиштаи мардум сухан гуфтанд.

Февраль 22, 2021 16:09

Хабарҳои дигари ин бахш

Дар Муъминобод Рӯзи Қувваҳои Мусаллаҳи Ҷумҳурии Тоҷикистон бошукӯҳ таҷлил гардид
Ба ифтихори Рӯзи Артиши миллӣ дар Донишкадаи давлатии фарҳанг ва санъат ҳамоиш доир шуд
Дар Душанбе таҳти унвони «Дастовардҳои даврони истиқлол дар низоми ҳарбии кишвар: ҳолат ва дурнамо» конференсияи илмӣ-назариявӣ доир шуд
Ба шарафи Рӯзи Қувваҳои Мусаллаҳи Тоҷикистон дар Сангвор бо хизматчиёнии ҳарбӣ мулоқот доир шуд
Дар Бохтар 28-умин солгарди таъсиси Қувваҳои Мусаллаҳ бошукӯҳ таҷлил карда шуд
«БА ВАТАН СОДИҚАМ!». Таҳти ин унвон дар Душанбе бахшида ба Рӯзи таъсиси Қувваҳои Мусаллаҳ аксияи ҷумҳуриявӣ доир мешавад
Вазири корҳои дохилӣ Рамазон Раҳимзода: Соли 2020 аз ҳама зиёд ҷиноятҳои дуздӣ ва қаллобӣ ба қайд гирифта шудаанд
Саймумин Ятимов бо ҳайати баландпояи мақомоти марзбонӣ ва кор бо муҳоҷирини Иттиҳоди Аврупо мулоқот намуд
Вазири корҳои дохилӣ Рамазон Раҳимзода: 1091 ҷинояти дорои хусусияти террористӣ-экстремистӣ ошкор гардид
Мақомоти гумрук боздошти се кормандашро дар иртибот ба қочоқи 90 килограмм тилло ва 15 миллион доллар тасдиқ намуд
Мақомоти амнияти Афғонистон узви гурӯҳи «Толибон»-ро, ки таҳти пӯшиши дорусоз мехост муовини волии Лӯгарро террор кунад, боздошт намуд
Станислав Зас: «Нақшаи татбиқи қарорҳои иҷлосияи Шӯрои амнияти дастаҷамъии СААД ва афзалияти ҷониби Тоҷикистон дар соли 2021 тасдиқ карда шуд»

Маводҳои таҳлилӣ