Аввалин истеъфои сармураббӣ дар лигаи олии футболи Тоҷикистон дар мавсими имсола

Апрель 19, 2021 11:03

ДУШАНБЕ, 19.04.2021/АМИТ «Ховар»/. Сармураббии дастаи футболи Клуби марказии варзишии артиши Вазорати мудофиаи Тоҷикистон  КМВА «Помир»  Алиёр Ашӯрмамадов баъд аз се бохти пайҳами ин даста дар Чемпионати Тоҷикистон аз вазифаи худ канор рафт. Тавре АМИТ «Ховар» бо истинод ба иттилои саҳифаи расмии даста хабар медиҳад, мутахассиси 52-солаи тоҷик бо хоҳиши худ курсии сармураббиро тарк намудааст.

КМВА «Помир» дар оғози мавсими имсола  зери роҳбарии  ьАлиёр Ашӯрмамадов  аз дастаҳои футболи «Файзаканд», «Эсхата» ва «Хуҷанд» мағлуб гардид.

Иҷрои вазифаи сармураббии дастаро феълан Файзалӣ Давлатов ба уҳда гирифтааст.

Ёдовар мешавем, ки соли 2019 баъд аз рафтани мутахассиси украинӣ Сергей Житскийи 63-сола  Ашӯрмамадов ба мақоми сармураббии дастаи КМВА интихоб гардида буд.

КМВА «Помир» феълан баъди се бозӣ дар мавсими имсола ягон хол ба даст наоварда, дар охири ҷадвали Чемпионати Тоҷикистон бийни дастаҳои лигаи олӣ қарор дорад.

Алиёр Ашӯрмамадов 20 августи соли 1968 дар шаҳри Қурғонтеппа (ҳозира Бохтар) таваллуд шуда, дастпарвари бошгоҳи футболи “Скиф -1” мебошад. Ӯ дар давоми фаъолияти футболбозиаш дар дастаҳои «Вахш» (Қурғон-теппа, 1990), «Помир» (Душанбе, 1991—1992), «Локомотив» (Москва, 1993), «Авангард» (Коломна, 1994), «Анжи»(Махачқала, 1995—1998), «Варзоб» (Душанбе, 1999—2000), «Иртиш» (Павлодар, 2001—2002, март-июл 2005), СКА «Помир» (Душанбе, апрел-июл 2004), «Хима» (Душанбе, август 2005—2007) ҳунарнамоӣ кардааст.

Ба сифати мураббӣ таҷрибаи  кориро дар  дастаҳои  “Помир” (ВМКБ-2008), КМВА “Помир” (Душанбе-2009), Тоҷикистон U19-2009-10, “Энергетик” (Душанбе-2010), КМВА “Помир” (Душанбе-2011-12), “Парвоз” (Б.Ғафуров-2013-14), “Далерон-Уротеппа” (Истаравшан-2015), “Ҳосилот” (Фархор-2016-17), “Панҷшер” (Ҷалолиддини Балхӣ-2018-19) пайдо кардааст.

                                                                                  ФОТО: ftv.tj

Апрель 19, 2021 11:03

Хабарҳои дигари ин бахш

ФУТЗАЛ. Тоҷикистон дар Мусобиқаи байналмилалии «Continental Futsal Championship 2021» соҳиби мақоми панҷум шуд
Темур Раҳимов низ аз идомаи рақобатҳои Бозиҳои олимпӣ маҳрум шуд
ДЗЮДО. Темур Раҳимов ба даври 1/8-финали Бозиҳои олимпӣ роҳ ёфт
Боксчии тоҷик Сиёвуш Зуҳуров аз идомаи рақобатҳои Бозиҳои олимпӣ маҳрум шуд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Тӯли шаш моҳ дар мамлакат 72 иншооти варзишӣ ба истифода дода шуданд
Паҳлавони тоҷик Комроншоҳ Устопириён аз идомаи рақобатҳои Бозиҳои олимпӣ маҳрум шуд
Дар Хоруғ бахшида ба 30-солагии Истиқлоли давлатӣ мусобиқа оид ба футболи хурд гузаронида шуд
ФУТЗАЛ. Тоҷикистон дастаи мунтахаби Литваро бо ҳисоби калон мағлуб намуд
Паҳлавони тоҷик Акмал Муродов бо як пирӯзӣ ва як бохт Бозиҳои олимпиро ҷамъбаст намуд
БОКС. Ҳарифи дуюми Баҳодур Усмонов дар Бозиҳои олимпии Токио-2020 муайян шуд
Паҳлавони маъруфи тоҷик Сомон Маҳмадбеков бо ду пирӯзӣ ва як бохт Бозиҳои олимпиро ҷамъбаст намуд
Имрӯз гурӯҳи дуюми ҳайати олимпии Тоҷикистон ба Токио сафар кард

Маводҳои таҳлилӣ