Дар Душанбе ҷаласаи Шӯрои ҳамоҳангсозии сармутахассисон оид ба бемориҳои наркологии кишварҳои узви СААД доир шуд
ДУШАНБЕ, 16.04.2021 /АМИТ «Ховар»/. Имрӯз дар Китобхонаи миллии Тоҷикистон ҷаласаи Шӯрои ҳамоҳангсозии сармутахассисон оид ба бемориҳои наркологии кишварҳои узви Созмони Аҳдномаи амнияти дастаҷамъӣ (СААД) баргузор гардид. Муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода ба иштирокчиёни ҷаласаи Шӯро ҳадаф ва мақсади ҷаласаи мазкурро шарҳ дод.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, дар идомаи ҷаласа иштирокчиён масъалаи истеъмоли ғайритиббии маводи нашъадор дар кишварҳои узви СААД, мушкилоти пешгирӣ, табобат ва офиятбахшии беморони нашъаманд, ҳамоҳангсозии ҳамкории мутақобила ва ташкил намудани ҳамкорӣ бо мақомоти ҳифзи ҳуқуқ вобаста ба назорати маводи нашъадор, ҳамкорӣ бо Раёсати Созмони Милали Муттаҳид оид ба маводи нашъадор ва ҷинояткориро мавриди баррасӣ қарор доданд.
Ҳамчунин дар ҷаласа мубодилаи таҷриба ва усулҳои пешгирии истеъмоли моддаҳои рӯҳтаъсир ва пешгирии ноҷӯриҳои вобаста ба маводи нашъадор доир гардида, се самти асосии ташкил намудани чорабиниҳои пешгирикунанда ба қисмҳо ҷудо карда шуданд.
Инчунин масъалаҳои татбиқи Стратегияи зиддинашъамандии кишварҳои узви СААД барои солҳои 2021-2025 муҳокима гардид.
Қаблан меҳмонон аз Муассисаи давлатии «Маркази миллии мониторинг ва пешгирии нашъамандӣ», Муассисаи давлатии «Маркази ҷумҳуриявии клиникии наркологии ба номи профессор М.Ғ.Ғуломов» ва Муассисаи давлатии «Маркази ҷумҳуриявии барқароркунии тиббию иҷтимоии «Тангаӣ»» дидан намуданд.
Ёдовар мешавем, ки ҷаласаи ҳамоҳангсозии сармутахассисон оид ба бемориҳои наркологии кишварҳои узви СААД соли 2013 бо Қарори Кумитаи котиботи Шӯрои амнияти Созмони аҳдномаи амнияти дастаҷамъӣ таъсис ёфтааст.
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
