Дар семоҳаи аввал дар Тоҷикистон 223 ҳолати фавқулода рух дода, 8 нафар дар офатҳои табиӣ ба ҳалокат расидаанд

Апрель 19, 2021 14:33

ДУШАНБЕ, 19.04.2021 /АМИТ «Ховар»/. Дар қаламрави мамлакат 223 ҳолати фавқулода ва ҳодисаҳои табиӣ ба қайд гирифта шуда, 12-тои он ба аҳолӣ ва иқтисодиёти кишвар зарари моддӣ расонидааст. Дар натиҷаи офатҳои табиӣ дар семоҳаи аввали соли равон 8 нафар шаҳрвандон ба ҳалокат расидаанд. Ин нукта имрӯз зимни баргузории ҷаласаи ҳайати мушовараи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, ки дар он натиҷаҳои семоҳаи аввали соли 2021 ҷамъбаст гардиданд, зикр  шуд.

Тавре аз  Кумитаи ҳолатҳои фавқулода ва мудофиаи граждании мамлакат ба АМИТ «Ховар» хабар доданд,  ҷаласаи мазкур таҳти раёсати раиси Кумита, генерал-лейтенант Рустам Назарзода  баргузор гардида, дар он сардорони воҳидҳои сохтории дастгоҳи марказии КҲФ, роҳбарони раёсатҳои минтақавӣ ва фармондеҳони қисмҳои ҳарбӣ  ширкат намуданд.

Дар ҷаласа омодагии қувваҳо, воситаҳои КҲФ ба давраи баҳориву тобистонӣ, омодагиҳо ва интизоми ҳарбӣ ва сатҳи ташкили корҳои тарбиявӣ миёни ҳайати шахсӣ баррасӣ шуданд.

Дар ҷаласа муваффақият ва камбудиҳо, инчунин тадбирҳои муҳим дар соҳаи ҳифзи аҳолӣ ва қаламрави ҷумҳурӣ барои семоҳаи дуюми соли 2021 муфассал муҳокима шуданд.

Раиси КҲФ диққати роҳбарони шуъбаҳои Кумитаро ба омодагии саривақтӣ ва бо камоли маҳорату кордонӣ вокуниш нишон додан ба лағзиши тармаҳо, ярчҳо, омадани селҳо, резиши сангу рег, баланд шудани сатҳи оби дарёҳо дар фасли баҳор ва тобистон равона кард.

Дастур дода шуд, ки барои омӯзиши иловагии минтақаҳои хатарнок, баррасии масъалаҳои захираҳои мавҷуда ва иловагӣ, машқҳои фавқулода дар байни аҳолӣ дар доираи фаъолияти Системаи ягонаи давлатии пешгирӣ ва рафъи ҳолатҳои фавқулода, системаи огоҳии бармаҳал, омодагӣ ба мавсими шиноварӣ, таҳкими ҳамкории байналмилалӣ, назорат аз болои иҷрои санадҳои имзошудаи байналмилалӣ гурӯҳҳои махсус ташкил ва ин фаъолиятҳоро баррасӣ кунанд.

АКС: Кумитаи ҳолатҳои фавқулода ва мудофиаи гражданӣ

Апрель 19, 2021 14:33

Хабарҳои дигари ин бахш

Вазорати меҳнат пешниҳоди баланд бардоштани синни баромадан ба нафақаро дастгирӣ накард. Чаро? Роҳбари ин ниҳод Ширин Амонзода шарҳ медиҳад
Ба раванди таълим нафарони ғайриихтисос низ ҷалб шудаанд,-бардошт аз нишасти матбуотӣ
Ба хотири рушди фаъолияти соҳибкории занон 80 лоиҳаи мақсаднок дастгирӣ ёфт
Пагоҳ Кумитаи андоз, Хадамоти гумрук, Агентии омор, Агентии хизмати давлатӣ нишасти матбуотӣ баргузор менамоянд
Дар ноҳияи Лахш сели пиряхӣ ба амал омад
Пагоҳ Кумитаи забон ва истилоҳот, Кумитаи кор бо занон ва оила, Агентии назорат дар соҳаи маориф ва илм, Мақомоти шаҳри Душанбе, ШСХК «Барқи Тоҷик» нишасти матбуотӣ баргузор менамоянд
Имрӯз Вазорати саноат ва технологияҳои нав, Вазорати меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, Кумитаи кор бо ҷавонон ва варзиш нишасти матбуотӣ баргузор менамоянд
Дар заминаи Академияи идоракунии давлатӣ магистратураи «Мактаби давлатдории Эмомалӣ Раҳмон» таъсис дода шуд
Бахшида ба 30-солагии Истиқлоли давлатӣ Атласи пиряхҳои Тоҷикистон ва гиёҳҳои шифобахши он ба нашр мерасад
Пагоҳ Вазорати саноат ва технологияҳои нав, Вазорати меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, Кумитаи кор бо ҷавонон ва варзиш нишасти матбуотӣ баргузор менамоянд
Имрӯз Вазорати корҳои хориҷӣ, Агентии авиатсияи гражданӣ, Академияи миллии илмҳо, КВД «Хоҷагии манзилию коммуналӣ» нишасти матбуотӣ баргузор менамоянд
26-28 июл дар бархе минтақаҳои алоҳидаи Тоҷикистон сар задани селҳои маҳаллӣ ва пиряхӣ дар назар аст

Маводҳои таҳлилӣ