Доир ба фаъолияти хадамоти кумаки аввалияи тиббию санитарӣ дар давраи пандемияи COVID-19 машварати онлайнӣ доир гардид
ДУШАНБЕ, 10.04.2021 /АМИТ «Ховар»/. Бо ташаббуси Дафтари минтақавии Созмони умумиҷаҳонии тандурустӣ дар Аврупо вобаста ба фаъолияти хадамоти кумаки аввалияи тиббию санитарӣ дар давраи пандемияи COVID-19 машварати онлайнӣ доир гардид. Дар машварати мазкур директори Дафтари минтақавии СУТ дар Аврупо Ҳанс Клюге, муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода ва намояндагони вазоратҳои тандурустии якчанд кишварҳо иштирок намуданд.
Тавре аз маркази матбуоти Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» иттилоъ доданд, зимни машварати маҷозӣ иштирокчиён доир ба саҳми кормандони кумаки аввалияи тиббию санитарӣ дар давраи паҳншавии бемории сироятии коронавируси нави COVID-19 ва доир ба самтҳои дигари фаъолияти соҳа мубодилаи афкор намуданд.
Муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода аз саҳми кормандони кумаки аввалияи тиббию санитарии мамлакат дар самти пешгирии бемории коронавирус ёдовар шуда, иброз дошт, ки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо назардошти таҷрибаҳои ҷаҳонӣ ва тибқи тавсияҳои СУТ дар давраи пандемияи COVID-19 хадамоти кумаки аввалияи тиббию санитариро дар мадди аввал қарор дод.
Гуфта шуд, ки ба роҳ мондани гардишҳои хонагӣ, сари вақт дарёфт намудани гумонбарон ва ба ташхису табобат фаро гирифтани беморони коронавируси нави COVID-19 имкон дод, ки ҳарчи зудтар ин беморӣ дар Тоҷикистон коҳиш ёбад.
Зикр гардид, ки сарфи назар аз ба эътидол омадани вазъи пандемияи COVID-19 дар Тоҷикистон ва бо назардошти вазъи кишварҳои ҳамсоя, тамоми иншооти кумаки аввалияи тиббию санитарӣ дар мамлакат шабонарӯзӣ фаъолият намуда истодаанд.
Дар идомаи машварати маҷозӣ иштирокчиён оид ба баланд бардоштани иқтидори хадамоти кумаки аввалияи тиббию санитарӣ ва густариш додани ҳамкорӣ дар ин самт ҳавасмандии хешро иброз намуданд.
Акс аз Вазорати тандурустӣ ва ҳифзи иҷтимоии аҳолии ҶТ
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
