Навори видеоии Манижа дар шабакаи «Евровидение» миёни иштирокчиёни соли 2021 аз ҳама бештар машҳур шуд
ДУШАНБЕ, 05.04.2021 /АМИТ «Ховар»/. Навори видеоии овозхони 29-сола Манижа ба суруди Russian Woman («Зани рус»), ки бо он Россияро дар 65-умин озмуни байналмилалии «Евровидение-2021» дар Роттердами Нидерландия муаррифӣ хоҳад кард, дар шабакаи расмии ҳунарнамоӣ дар YouTube миёни 39 клипи иштирокчиёни намоиши имсола аллакай беш аз 6,7 миллион тамошобин пайдо карда, дар байни онҳо машҳуртарин шудааст. Тавре АМИТ «Ховар» бо истинод ба ТАСС иттилоъ медиҳад, дар ин бора маълумоти видеохостинг шаҳодат медиҳад.
Иштирокчии россиягӣ тавонист аз пешсафи қаблӣ — гурӯҳи сербии Hurricane бо суруди Loco Loco пеш гузарад. Ҳоло навори ин дастаро зиёда аз 6,6 миллион истифодабаранда тамошо кардаанд.
Наворҳои овозхонҳо Эфендӣ аз Озарбойҷон ва Destiny аз Малтаро беш аз 2,5 миллион истифодабаранда тамошо кардаанд.
Қаблан рекордсмени мутлақи канали расмии “Евровидение” видеои гурӯҳи русии Little Big бо суруди Uno шуда буд ва даста мебоист кишвари худро дар намоиш соли 2020 муаррифӣ мекард. Озмун бо сабаби пандемияи коронавирус лағв шуд. Дар айни замон ин клипро тақрибан 195 миллион маротиба тамошо кардаанд.
Ёдовар мешавем, ки овозхон Манижа ҳангоми интихоби миллӣ, ки 8 март дар мавҷи “Шабакаи якум” баргузор шуд, ба ҳайси намояндаи Россия дар “Евровидение” интихоб шуд. “Шабакаи якум” зикр кард, ки ҷараёни овоздиҳӣ аз санҷиши аудитии EY гузаштааст. Тибқи изҳороти “Шабакаи якум”, ширкат мувофиқати раванди овоздиҳӣ ва ҳисобкунии овозҳоро ба қоидаҳои интихоб тасдиқ кардааст.
Озмуни байналмилалии «Евровидение» аз 18 то 22 май дар Роттердам таҳти шиори «Боз шав» баргузор мешавад. Иштирокчии Россия таҳти рақами сеюм дар нимфинали аввал баромад мекунад.
Аакс аз News potok
КАНГУРТ — ДИЁРИ ПАҲЛАВОНОН. Ба шарафи Истиқлолият ин гӯшаи кӯҳистони Тоҷикистон ба шаҳраки зебою замонавӣ мубаддал гардидааст
Ҳунармандони Суғд бо мақсади омӯзиши таҷрибаи пешқадам ба вилояти Фарғонаи Узбекистон сафар намуданд
Кормандони милитсияи пойтахт соҳиби китобхона ва синфхонаи забономӯзӣ гардиданд
БОРШИ УКРАИНӢ БА ФЕҲРИСТИ МЕРОСИ ФАРҲАНГИИ ҒАЙРИМОДДИИ ЮНЕСКО ВОРИД ШУД. Шаш сол пеш палави тоҷикӣ низ ба ин феҳрист шомил гардида буд
«Ваҳдати миллӣ. Сароғози бунёдкориҳо ва дурнамои рӯзгори босаодат»,- шарҳи матбуоти даврии Тоҷикистон
Дар Бадахшон қуллаҳои Маяковский ва Октябрский расман ба номи шоирон Мирсаид Миршакар ва Мўъмин Қаноат номгузорӣ шуданд
Дар Душанбе таҳти унвони «Омилҳои ташаккули матбуоти даврии тоҷик дар солҳои 1920-1930» ҳамоиш баргузор гардид
Бо ташаббуси Кумитаи иҷроияи ҲХДТ дар шаҳри Турсунзода толори фарҳангӣ мавриди баҳрабардорӣ қарор гирифт
Ду шабакаи телевизиони Тоҷикистон ба пахши моҳворавӣ пайваст мешаванд
ЭЙ ВАТАН, ЭЙ ТОҶИКИСТОН, ЭЙ БИҲИШТИ МАН! Шеъри тозаэҷоди Шоири халқии Тоҷикистон Камол Насрулло ба шарафи Рўзи Ваҳдати миллӣ
«САДОИ АДИБОНИ ДУНЁ ДАР ВАСФИ ТОҶИКИСТОН». Таҳти ин ном маҷмӯаи хотироти адибони ҷаҳон бо забони асл ва дар тарҷумаи тоҷикӣ ба нашр расид
