Ғолибони Мусобиқаи байналмилалӣ оид ба теннис миёни ҷавонон – «Tajikistan Open-2021» муайян шуданд
ДУШАНБЕ, 07.06.2021 /АМИТ «Ховар»/. Аз 31 май то 5 июни соли равон дар шаҳри Душанбе Мусобиқаи байналмилалӣ оид ба теннис миёни ҷавонон – «Tajikistan Open-2021» баргузор шуд. Дар мусобиқаи мазкур 95 варзишгар аз 11 кишвар: Англия, Беларус, ИМА, Қазоқистон, Германия, Россия, Словакия, Тоҷикистон, Туркманистон, Украина ва Ӯзбекистон иштирок карданд. Аз 7 то 12 июни соли равон дар шаҳри Душанбе мусобиқаи дуюми байналмилалӣ «Tajikistan Open-2021» баргузор мешавад.
Дар ин бора аз Федератсияи тенниси Тоҷикистон ба шореҳи варзиши АМИТ «Ховар» Меҳрони Қурбон хабар доданд.
Тибқи иттилои манбаъ, дар қувваозмоиҳои инифродӣ миёни писарон намояндаи Россия Амирҳамза Насриддинов пирӯз шуд. Ӯ дар финал Дэвид Шварс аз Словакияро мағлуб намуд. Миёни духтарон низ намояндаи Россия София Михайлова ғолиб шуд. Ҷои дуюмро Злата Чиннова аз Ҷумҳурии Ӯзбекистон ба даст овард.
Дар рақобати ҷуфти писарон — ҷуфти Амирҳамза Насриддинов (Россия) / Иссамҷон Шарифов (Тоҷикистон) ҷои аввал, ҷуфти Ҷош Мануел (Англия) / Дэвид Шварс (Словакия) ҷои дуюмро гирифтанд.
Миёни духтарон ҷуфти Сасинка Виктория (ИМА) / Раиса Петровская (Қазоқистон) мақоми аввал, ҷуфти Сабрина Олимҷонова / Шаҳноза Маримова (Ӯзбекистон) ҷои дуюмро ишғол намуданд.
Ғолибони мусобиқа бо «Диплом» ва «Ифтихорнома»-ҳои Федератсияи тенниси Тоҷикистон сарфароз гардида, мавқеашонро дар радабандии Федератсияи байналмилалии теннис беҳтар карданд.
АКС аз КМО Тоҷикистон
Варзишгарони тоҷик дар мусобиқаи байналмилалӣ дар Малайзия 3 медал ба даст оварданд
ҶОМИ КФО-2023/24. Замони баргузории бозии дастаҳои «Равшан»-и Тоҷикистон ва «Алтин Асир»-и Туркманистон муайян шуд
ЛИГАИ ЧЕМПИОНҲОИ ОСИЁ. Бозии дастаҳои футболи «Истиқлол» ва «Ал-Наср» мусовӣ анҷом ёфт
ЧЕМПИОНАТИ ҶАҲОН ОИД БА БОКС. Варзишгари тоҷик Фариноз Абдуллоева барандаи медали нуқра гардид
ЛИГАИ ЧЕМПИОНҲОИ ОСИЁ. Имрӯз дар шаҳри Душанбе бозии дастаҳои футболи «Истиқлол» ва «Ал-Наср» доир мешавад
ЛИГАИ ЧЕМПИОНҲОИ ОСИЁ. 4 декабр дар Варзишгоҳи марказии шаҳри Душанбе нишасти хабарии пеш аз бозии дастаҳои «Истиқлол» ва «Ал-Наср» доир мешавад
ЛИГАИ ЧЕМПИОНҲОИ ОСИЁ. Пагоҳ дар Душанбе бозии даври шашуми марҳилаи гурӯҳӣ байни дастаҳои «Истиқлол» ва «Ал-Наср» баргузор мешавад
5 декабр дар се минтақаи шаҳри Душанбе фан-зона барои тамошои бозии «Истиқлол» ва «Ал-Наср» ташкил мешавад
Паҳлавонони тоҷик аз Чемпионати ҷаҳон оид ба кураш бо 4 медали биринҷӣ ба Ватан баргаштанд
ЧЕМПИОНАТИ ТОҶИКИСТОН -2023. Дастаи футболи «Истиқлол»-и шаҳри Душанбе пеш аз муҳлат ғолиб гардид
Дар шаҳри Хуҷанд Мусобиқаи байналмилалӣ оид ба шиноварӣ баргузор гардид
Ҳарифони паҳлавонони шинохтаи тоҷик дар мусобиқаи Tokyo Grand Slam-2023 оид ба ҷудо муайян шуданд
