ФУТБОЛ. «Истиқлол»-и Душанбе бо дастаи «Суғдиёна»-и Ӯзбекистон бозии дуюми дӯстона гузаронид
ДУШАНБЕ, 22.07.2021 /АМИТ «Ховар»/. Дастаи футболи «Истиқлол»-и шаҳри Душанбе бозии дуюми санҷишии худро дар доираи машқҳои таълимӣ-тамринӣ дар вилояти Суғд бо дастаи футболи «Суғдиёна»-и Ҷумҳурии Ӯзбекистон баргузор намуд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Ин вохӯрии ҷолиб дар варзишгоҳи «Ҷар»-и шаҳри Тошканди Ҷумҳурии Ӯзбекистон доир шуда, дар он дастаи футболи «Истиқлол»-и шаҳри Душанбе бо ҳисоби 0:2 ноком шуд. Ҳарду голҳоро Шоҳрӯз Норхонов ба ҳадаф расонид. Хотиррасон мекунем, ки чанд рӯз пеш дастаи футболи «Истиқлол»-и шаҳри Душанбе нахустин бозии санҷиширо дар доираи ҷамъомади таълимиву тамринӣ дар вилояти Суғд баргузор карда буд. Дар варзишгоҳи «Металлург»-и Бекобод дастаи футболи «Истиқлол» бо дастаи маҳаллии «Металлург», ки дар Суперлигаи чемпионати Ӯзбекистон бозӣ мекунад, рақобат намуд. Ин вохӯрӣ бо ҳисоби 1:0 бо пирӯзии дастаи футболи «Истиқлол»-и шаҳри Душанбе хотима ёфт. Голи ягонаро дар дақиқаи 55-ум пас аз партофти Ваҳдат Ҳанонов Шервонӣ Мабатшоев ба нишон расонид.
Ёдовар мешавем, ки рақобати сеюми дӯстонаи худро дастаи футболи «Истиқлол»-и шаҳри Душанбе 24 июл бо дастаи футболи «Локомотив»-и Ӯзбекистон баргузор мекунад.
ҶОМИ ФУТЗАЛИ ОСИЁ-2026. Бозии дастаҳои мунтахаби Тоҷикистон ва Узбекистон мусовӣ анҷом ёфт
Дастаи мунтахаби наврасони Тоҷикистон (U-17) бо ҳамтоён аз Ҳиндустон бозиҳои санҷишӣ анҷом медиҳад
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Узбекистон бозӣ мекунад
Довар аз Тоҷикистон бозиҳои қисми ниҳоии Ҷоми футзали Осиё-2026-ро ҳакамӣ мекунад
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон беш аз 20 майдонча ва толори варзишӣ сохта шуд
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
Дастаи мунтахаби Тоҷикистон оид ба футзал дар доираи машқҳои таълимӣ ду бозии санҷишӣ доир кард
ФУТБОЛ. Дастаи мунтахаби наврасони Тоҷикистон (U-17) Аморати Муттаҳидаи Арабро мағлуб намуд
ФУТБОЛ. Дастаи мунтахаби наврасони то 17-солаи Тоҷикистон дар бозии дӯстона дастаи Арабистони Саудиро мағлуб намуд
