Имрӯз дар Душанбе ҷаласаи Шӯрои вазирони мудофиаи СҲШ баргузор мешавад
ДУШАНБЕ, 28.07.2021 /АМИТ «Ховар»/. Имрӯз, 28 июл дар Душанбе ҷаласаи Шӯрои вазирони мудофиаи Созмони Ҳамкории Шанхай (СҲШ) баргузор мешавад, хабар медиҳад АМИТ «Ховар» бо истинод ба Вазорати мудофиаи Тоҷикистон.
Дар кори он вазирони мудофиаи Ҳиндустон, Чин, Қазоқистон, Қирғизистон, Покистон, Федератсияи Русия, Узбекистон ва Беларус, инчунин Дабири кулли СҲШ ва роҳбарияти Кумитаи иҷроияи Маркази минтақавии зиддитеррористии СҲШ ширкат меварзанд.
Дирӯз Вазири мудофиаи Тоҷикистон Шералӣ Мирзо ва Вазири мудофиаи Ҷумҳурии Мардумии Чин Вэй Фэнхэ, ки барои иштирок дар ин мулоқот ба Тоҷикистон омадааст, доираи васеи масъалаҳои муносибатҳои ҳарбии дуҷониба ва бисёрҷонибаро дар самти ҳамкории ҳарбӣ-техникӣ баррасӣ карда, доир ба санадҳои ҳуқуқӣ ва созишномаҳо, ки қаблан байни вазирони мудофиаи ду кишвар ба даст омада буданд, мубодилаи афкор намуданд.
Дар доираи омодагӣ ба ҷаласаи навбатии Шӯрои вазирони мудофиаи СҲШ ҳамчунин мулоқоти дуҷонибаи Вазири мудофиаи Тоҷикистон бо Вазири мудофиаи Ҷумҳурии Исломии Покистон Парвиз Хаттак баргузор гардид.
Тибқи рӯзномаи ҷаласа, вазирони мудофиа масоили марбут ба таҳкими ҳамкорӣ дар доираи СҲШ, вазъи кунунии минтақа ва ҷаҳон, таъмини амният ва субот дар Афғонистон ва марзҳои он бо кишварҳои узви СҲШ ва дигар масъалаҳоро баррасӣ мекунанд.
Ҳамзамон масъалаҳои марбут ба омодагӣ ва гузаронидани машқҳои муштараки зиддитеррористии Қувваҳои Мусаллаҳи СҲШ, ки имсол таҳти унвони «Миссияи сулҳҷӯёна- 2021» дар яке аз кишварҳои узви СҲШ баргузор мегарданд, муҳокима мешаванд.
Аксҳо аз Вазорати мудофиаи Тоҷикистон
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
ТАЪЛИМОТИ ҒАЙРИРАСМИИ ДИНӢ-ТАҲДИД БА ОЯНДАИ ҶОМЕА. Ва ё чаро ҳуқуқи кӯдакон ба таҳсили қонунӣ поймол мегардад?
Терроризм ва экстремизм хатари минтақавию байналмилалӣ дорад
ТАҒЙИРУ ИЛОВАҲО БА КОДЕКСИ ҲУҚУҚВАЙРОНКУНИИ МАЪМУРӢ. Дар ду соли охир дар садамаҳои роҳу нақлиёт зиёда аз ҳазор нафар ба ҳалокат расидааст
Прокурори генералии Тоҷикистон бо Сафири Иттиҳоди Аврупо масоили марбут ба ҳамкорӣ дар соҳаи амниятро баррасӣ намуд
Дар Бадахшон мусобиқаи варзишӣ аз намуди футбол байни сохторҳои қудратӣ ҷамъбаст гардид
Дар Вазорати мудофиаи Тоҷикистон Рӯзи Қувваҳои Мусаллаҳро бо шаҳомати хосса таҷлил намуданд
