Варзишгарони тоҷик аз Бозиҳои олимпии Токио-2020 ба Ватан бе медал бармегарданд
ДУШАНБЕ, 31.07.2021 /АМИТ «Ховар»/. Имрӯз ду варзишгари охирини ҳайати дастаи мунтахаби олимпии Тоҷикистон – Баҳодур Усмонов дар намуди бокс ва Илдар Аҳмадиев дар варзиши сабук дар Бозиҳои олимпии Токио-2020 мусобиқа карданд. Баҳодур Усмонов, ки дар даври аввали вазни -63кг бар намояндаи Доминикан Леонел Сантос Нунез бо ҳисоби 4:1 ғалаба карда буд, дар ҳаштякфинал аз варзишгари Узбекистон Элнур Абдураимов бо ҳисоби 0:5 мағлуб гардида, аз идомаи рақобатҳо маҳрум шуд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.
Ҳамчунин варзишгари дигари тоҷик Илдар Аҳмадиев дар дав ба масофаи 100 метр иштирок кард. Миёни мардон дар ин масофа 26 нафар дар се гурӯҳ сабқат намуданд ва 10 нафарашон, ки натиҷаи беҳтар доштанд, ба нимфинал роҳ ёфтанд. Илдар дар гурӯҳи сеюм бо натиҷаи 10.66 сония чорум ва миёни 26 нафар иштирокчӣ ҷои 12-умро сазовор гардид. Натиҷаи беҳтаринро дар марҳилаи интихобии дав ба масофаи 100 метр намояндаи Уммон Баракат ал Ҳартӣ нишон дод (10.27).
Ҳамин тариқ, иштироки ҳамаи варзишгарони Тоҷикистон дар Бозиҳои олимпӣ ба анҷом расида, онҳо аз медалҳои Олимпиадаи Токио-2020 бенасиб монданд.
Ёдовар мешавем, ки ҳайати дастаи мунтахаби олимпии Тоҷикистон аз даҳ варзишгар иборат буд – Баҳодур Усмонов, Шаббос Негматуллоев, Сиёвуш Зуҳуров (бокс), Сомон Маҳмадбеков, Акмал Муродов, Комроншоҳ Устопириён, Темур Раҳимов (дзюдо), Анастасия Тюрина, Олимҷон Ишанов (шиноварӣ), Илдар Аҳмадиев (варзиши сабук).
Бозиҳои олимпии Токио-2020, ки 23 июл оғоз гардиданд, то 8 август идома меёбанд. Пас аз нуҳ рӯзи рақобатҳо дар ҷадвали ҳисоби медалҳо дастаи мунтахаби Чин бо 19 медали тилло, 11 нуқра, 11 биринҷӣ пешсаф аст. Дастаи мунтахаби олимпии Ҷопон бо 17 медали тилло, 4 нуқра, 7 биринҷӣ дар ҷои дуюм ва ИМА бо 16 медали тилло, 17 нуқра, 11 биринҷӣ дар ҷои сеюм мавқеъ доранд.
Дар ин олимпиада варзишгарони 70 давлат ба гирифтани медали олимпӣ, аз ҷумла намояндагони 42 давлат ба дарёфти медали тилло мушарраф гардиданд.
АКС аз Федератсияи дзюдои Тоҷикистон
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
