Намояндагони доираҳои тиҷоратии Узбекистон барои таҳкими ҳамкорӣ ба Тоҷикистон омаданд

Сентябрь 22, 2021 11:59

ДУШАНБЕ, 22.09.2021 /АМИТ «Ховар»/. Намояндагони доираҳои тиҷоратии Узбекистон барои иштирок дар ду чорабинӣ ба Тоҷикистон омаданд. Дар ин бора ба АМИТ «Ховар» аз Палатаи савдо ва саноати Тоҷикистон иттилоъ доданд.

Сафари ҳайати тиҷоратии  «Made in Uzbekistan» ба Душанбе аз ҷониби Палатаи савдо ва саноати Тоҷикистон дар ҳамкорӣ бо Агентии пешбурди содироти назди Вазорати сармоягузорӣ ва савдои хориҷии Узбекистон ташкил карда шуд. Ҳайати Узбекистонро беш аз 40 ширкате, ки дар соҳаҳои бофандагӣ, чарм ва пойафзол, хӯрокворӣ, заргарӣ, дорусозӣ, сохтмон ва мебел фаъолият менамоянд, намояндагӣ мекунанд», — гуфт манбаъ.

Дар доираи сафари ҳайати доираҳои тиҷоратии Узбекистон дар  Душанбе форуми тиҷоратӣ бо ширкати намояндагони доираҳои тиҷоратии Тоҷикистон ва Узбекистон баргузор мешавад, ки кори он  дар шакли B2B идома хоҳад ёфт. Ҳадафи баргузории форуми тиҷоратӣ ҷалби сармоя, таъсиси корхонаҳои муштарак, таъсиси истеҳсолот дар қаламрави Тоҷикистон ва минтақаҳои озоди иқтисодӣ мебошад. Ба соҳибкорони Узбекистон дар бораи фазои сармоягузории Тоҷикистон, лоиҳаҳо, тадбирҳо оид ба дастгирии соҳибкорӣ, инчунин дар бораи афзалият ва имтиёзҳое, ки Ҳукумати Ҷумҳурии Тоҷикистон пешниҳод кардааст, маълумоти зарурӣ пешниҳод  мегардад.

Инчунин дар Душанбе намоишгоҳи доимӣ таҳти бренди «Made in Uzbekistan»  ташкил карда мешавад, ки дар он  молистеҳсолкунандагони Узбекистон молу маҳсулоти соҳаҳои  кишоварзӣ ва саноати хӯрокворӣ, сохтмонӣ, нассоҷӣ ва либоси тайёр, лавозимоти чармӣ ва пойафзоли таъйиноти гуногун, матоъ ва маснуоти абрешимӣ, электроника ва техникаи маишӣ, мебел, асбоби санитарӣ, заргарӣ  ва ғайраро ба намоиш мегузоранд.

 Акс аз АМИТ  «Ховар»

Сентябрь 22, 2021 11:59

Хабарҳои дигари ин бахш

Оё дар Тоҷикистон низоми кишти пунбадона тағйир меёбад? Шарҳи коршиносон дар ин мавзуъ
Дар шаҳри Гулистон Бизнес-форуми Тоҷикистон ва Тотористон баргузор гардид
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Ҳайати Тотористон бо фаъолияти як қатор корхонаҳои саноатии вилояти Суғд шинос гардид
Дар ноҳияи Кӯшониён дар 320 гектар гармхона бунёд карда шудааст
Гармхонаҳои ширкати «Моғиён- агро»-и шаҳри Панҷакент бозорро бо сабзавоти тоза таъмин менамоянд
Хатмкунандагони Барномаи гузариши иқлимӣ соҳиби шаҳодатнома шуданд
Дар шаҳри Турсунзода бинои нави маъмурии Истгоҳи роҳи оҳани «Регар» ба истифода дода шуд
Дар Бонки миллии Тоҷикистон Барномаи фишанги ҳамоҳангсозии сиёсӣ бо ҳайати Хазинаи Байналмилалии Асъор баррасӣ шуд
Тоҷикистон дар Абузабӣ шоми бошукуҳи сармоягузорӣ доир менамояд
Тақвияти ҳамкории Тоҷикистон ва Қазоқистон дар самти технологияҳои иттилоотӣ баррасӣ гардид
Татбиқи лоиҳаи «Асосҳои рақамии Тоҷикистон» баррасӣ шуд