7 варзишгари маъруфи тоҷик дар Чемпионати ҷаҳон оид ба бокс иштирок мекунанд

Октябрь 14, 2021 15:48

ДУШАНБЕ, 14.10.2021 /АМИТ «Ховар»/. Аз 24 октябр то 6 ноябр дар шаҳри Белгради Сербия Чемпионати ҷаҳон оид ба бокс миёни мардон баргузор мешавад, хабар дод корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода  ба шореҳи варзиши  АМИТ «Ховар»  Меҳрони Қурбон.

Дар чемпионати мазкур 650 нафар варзишгарон аз 105 давлати дунё ширкат мекунанд. Ҷумҳурии Тоҷикистонро дар 11-умин  Чемпионати ҷаҳон оид ба бокс миёни мардҳо 7 варзишгари шинохта  намояндагӣ мекунанд, ки инҳо Абдураҳмон Ёқубов (60кг), Баҳодур Усмонов (63.5кг), Саидикром Амонов (67кг), Абдумалик Болтаев  (75кг), Шаббос Негматуллоев (80кг),  Парвиз Каримов (92кг) ва Ҷаҳон Қурбонов (+92кг) мебошанд.

Варзишгарони тоҷикро дар ин сафар мураббиён Мирзо Шамсиев ва Хуршед Ҷӯраев ҳамроҳӣ мекунанд. Ҳамчунин довари дараҷаи олимпӣ аз Тоҷикистон Мансур Муҳиддинов сабқатҳои ҷаҳониро ҳакамӣ менамояд.

Хотиррасон  мешавем, ки бори аввал дар таърихи бокси ҷаҳон чемпионат аз рӯи 13 вазн баргузор мешавад. Инчунин ба ғолибон ва ҷоизадорон ҷоизапулии назаррас тақдим мегардад. Фонди ҷоизаҳои Чемпионати ҷаҳон оид ба бокс-2021 2,6 миллион доллар муқаррар шудааст. Ба барандагони медалҳои тилло дар ҳар вазн 100 000 доллар, ба барандагони медалҳои нуқра 50 000 доллар ва ба барандагони медалҳои биринҷӣ 25 000 доллар тақдим хоҳад шуд.

Варзишгарони тоҷик дар Чемпионати ҷаҳон оид ба бокс миёни мардон давоми 30 соли Истиқлолияти давлатӣ 3 медали биринҷӣ ба даст овардаанд. Абдусалом Ҳасанов соли 2003 дар шаҳри Бангкоки Тайланд дар вазни 57кг, Шералӣ Достиев соли 2005 дар шаҳри Мйаняни Чин дар вазни 48кг ва Анвар Юнусов соли 2011 дар  шаҳри Бокуи Озарбойҷон дар вазни 56кг сазовори ин ҷоизаҳо шуданд.

                                                                                                           АКС аз КМО Тоҷикистон

Октябрь 14, 2021 15:48

Хабарҳои дигари ин бахш

Оташи Бозиҳои зимистонаи олимпии Пекин-2022 фурӯзон гардид
Ғолибони Чемпионати Тоҷикистон оид ба тенниси рӯи миз миёни мардону бонувон муайян шуданд
Дар шаҳри Бохтар ғолиби Чемпионати Тоҷикистон миёни дастаҳои лигаи бонувон муайян шуд
«Истиқлол» дар бозии марҳилаи ¼-ниҳоии Ҷоми Тоҷикистон-2021 дастаи «Файзканд»-и Восеъро мағлуб намуд
Сомон Маҳмадбеков дар Мусобиқаи байналмилалии ҷудо — Paris Grand Slam 2021 соҳиби ҷои панҷум шуд
ФУТБОЛ. Имрӯз дастаҳои «Истиқлол»-и Душанбе ва «Файзканд»-и Восеъ миёни ҳам рақобат мекунанд
Сомон Маҳмадбеков Тоҷикистонро дар мусобиқаи Paris Grand Slam 2021 намояндагӣ мекунад
Замони баргузории бозиҳои даври 23-юми Чемпионати Тоҷикистон оид ба футбол миёни дастаҳои Лигаи олӣ муайян шуд
Варзишгарони тоҷик дар Мусобиқаи муҳорибаҳои омехтаи Осиёи Марказӣ 10 медал ба даст оварданд
Сомон Маҳмадбеков дар мусобиқаи Paris Grand Slam 2021 иштирок мекунад
КАМОНВАРӢ. Беҳтарин тирандозони Мусобиқаи кушоди ҷумҳуриявӣ барои ҷоизаҳои Зебинисо Рустамова муайян шуданд
Дастаҳои «Соро компания» ва «Сипар» ба даври финалии Лигаи касбии футзали Тоҷикистон-2021 роҳхат ёфтанд