Дар Душанбе нахустин Фестивали маҳорати педагогии омӯзгорон ва кормандони маорифи кишварҳои узви ИДМ доир гардид

Октябрь 29, 2021 13:14

ДУШАНБЕ, 29.10.2021. /АМИТ «Ховар»/. Имрӯз дар шаҳри Душанбе нахустин Фестивали маҳорати педагогии омӯзгорон ва кормандони маорифи кишварҳои узви Иттиҳоди Давлатҳои Мустақил баргузор гардид, ки дар он 27 нафар омӯзгорону мурраббиёни узви давлатҳои ИДМ, ки 9  нафарашон омӯзгорони тоҷик мебошанд, иштирок намуданд. Ҳамчунин дар фестивал кормандони маорифи узви ИДМ корҳои амалии худро ба намоиш гузошта, маҳорату малакаи худро ба якдигар нишон доданд, хабар медҳад мухбири АМИТ «Ховар».

 Фестивали мазкур дар доираи Анҷумани VI омӯзгорон ва кормандони маорифи кишварҳои узви Иттиҳоди Давлатҳои Мустақил зери унвони «Фазои таълимии Иттиҳоди Давлатҳои Мустақил- манбаи стратегии рушди устувор», ки дирӯз баргузор гардида буд, доир шуд.

Вазири маориф ва илми Ҷумҳурии Тоҷикистон Муҳаммадюсуф Имомозода зимни ифтитоҳи Фестивали мазкур иброз дошт, ки дар Тоҷикистон маориф соҳаи афзалиятнок ба ҳисоб рафта, омӯзгор мақому манзалати воло ва ифтихорӣ дорад.

Дар идомаи сухан Вазири маориф ва илм вобаста ба нақши омӯзгор дар ҷомеа ибрози назар намуда, аз гуфтаи адиби барҷастаи рус Лев Толстой дар бораи муаллим иқтибос овард: «Омӯзгори асил дорои ду сифат аст: дониши васеъ ва дили бузург».

Дар Фестивали маҳорати педагогии омӯзгорон ва кормандони маорифи кишварҳои узви Иттиҳоди Давлатҳои Мустақил баъд аз маросими ифтитоҳӣ  аз рӯйи номинаҳои «Муаллим», «Мураббӣ» ва «Равоншиносӣ» иштирокдорон оид ба таҷрибаи худ маърӯза пешниҳод намуданд.

Устоди Донишгоҳи давлатии омӯзгории Тоҷикистон ба номи С. Айнӣ Бибиҳафиза Маҷидова иброз дошт, ки баргузории фестивали мазкур саривақтист, зеро дар замони муосир раванди таълиму тарбия  пайваста дар ҳоли тараққӣ қарор дорад.

Мавсуф зикр дошт, ки маҳз баргузории чунин чорабиниҳо имконият медиҳад, ки омӯзгорон аз якдигар таҷриба омӯзанд, то насли наврасро хуб таълим диҳанд. Зеро самти асосии фаъолияти омӯзгор- ин таълим додан, омӯзондан ва тарбия намудани насли соҳибмаърифату босавод мебошад.

Аз ҷониби иштирокдорон зикр шуд, ки вазифаи асосии омӯзгор  таълиму тарбияи дурусти насли наврас ба ҳисоб меравад. Аз ин рӯ, дар таърихи инкишофи педагогика таълиму тарбияро дар ҷойи аввал гузоштаанд, зеро тавассути омӯзиш хонандаро бояд ба зиндагии мустақилона омода намоем.

Дар фарҷоми Фестивал ба иштирокчиён диплому сертификат тақдим гардид.

Зарангези ЛАТИФ,
АМИТ «Ховар»

АКСҲО: АМИТ «Ховар»

Октябрь 29, 2021 13:14

Хабарҳои дигари ин бахш

Дар Теҳрон шоми муштараки фарҳангии Тоҷикистон ва Эрон баргузор гардид
Сарбозону афсарон дар Осорхонаи миллӣ бо таъриху тамаддуни қадимии тоҷикон шинос гардиданд
21 ФЕВРАЛ-РӮЗИ БАЙНАЛМИЛАЛИИ ЗАБОНИ МОДАРӢ. Забони тоҷикӣ аз ҷиҳати ғановат ва сермаъноии калимаҳо байни забонҳои хурду бузурги дунё мақоми аввалро доро мебошад
Бахшида ба Рӯзи байналмилалии забони модарӣ дар Институти забон ва адабиёти ба номи Рӯдакӣ ҳамоиш доир шуд
Масъалаи баланд бардоштани соҳаи фарҳанг дар ноҳияи Ишкошим баррасӣ гардид
Муассисаи давлатии «Тоҷикфилм» бо синамогарони хориҷӣ филмҳои муштарак ба навор мегирад
«ИСТИҚЛОЛ ВА РУШДИ ЗАБОНИ МОДАРӢ». Бахшида ба Рӯзи байналмилалии забони модарӣ дар Душанбе ҳамоиш доир шуд
«ЗИНДА КУН АЗ САДОИ МАН ХОКИ ҲАЗОРСОЛАРО…». Давлатманд Холов дар ҷодаи мусиқӣ ва санъат яке аз нобиғаҳои барҷастаи Шарқ ба шумор меравад
УСТОДИ ФАЛАК, ҶОНИ ФАЛАК ТАРКИ ФАЛАК ГУФТ! Сурудҳои Давлатманд Холов ганҷинаи тиллоии миллат барои наслҳои оянда мебошанд
Дар Консерваторияи миллии Тоҷикистон 44 шаҳрванди хориҷӣ таҳсил менамояд
Дар ноҳияҳои Рошқалъа, Мурғоб, Шаҳринав, Лахш ва шаҳри Ваҳдат Кохи фарҳанг сохта мешавад
Дар Бохтар даври шаҳрии озмуни вилоятии «Суруди алла» баргузор шуд