ИФТИХОРИ МО! Ҷавони 17-солаи тоҷик соҳиби 223 000 доллар бурсияи донишгоҳи амрикоии «Duke Kunshan University» гардид
ДУШАНБЕ, 27.10.2021 /АМИТ «Ховар»/. Ҷавони 17-солаи тоҷик Назирҷон Исмоил бо ихтирои барномаи наве соҳиби 223 000 доллар бурсияи донишгоҳи амрикоии «Duke Kunshan University» гардид, иттилоъ медиҳад АМИТ «Ховар» бо истинод ба сомонаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон.
Барномаи ихтироънамудаи Назирҷон Исмоил «Face recognition» мебошад. Он дар даромадгоҳи корхонаву муассиса насб карда шуда, чеҳраҳои шахсони воридшавандаро шиносоӣ мекунад. Дар ҳолати набудани маълумот дар бораи шахс хабар медиҳад, ки ин нафар бегона аст.
Бояд гуфт, ки Назирҷон Исмоил чанд барномаи дигар низ ихтироъ намудааст, ки яке аз онҳо «BeReade» мебошад.
Барномаи «BeReade» барои дастрас кардани вазифаҳои хонагии хонандагони мактаб хидмат мекунад.
Ҷавони тоҷик нақша дорад, ки чунин барномаҳои худро зиёд намуда, дар соҳаи технология саҳм гузорад. Ӯ ҳамчунин муаллифи чанд лоиҳа дар соҳаи технология мебошад.
Бояд гуфт, ки «Duke Kunshan University» донишгоҳи илмҳои гуманитарии сатҳи ҷаҳонӣ дар Куншани Чин буда, якчанд барномаҳои таълимии босифат ва инноватсиониро барои донишҷӯёни саросари ҷаҳон пешниҳод мекунад. Он моҳи сентябри соли 2013 дар доираи шарикии ИМА ва Чин миёни донишгоҳҳои «Duke University» ва «Wuhan University» таъсис ёфтааст.
АКС аз сомонаи Кумитаи кор бо ҷавонон ва варзиши назди ҲҶТ
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
