«ДӮСТИИ ТОҶИКИСТОН ВА ҲИНДУСТОН». Таҳти ин мавзӯъ дар Осорхонаи миллӣ муаррифии маркаҳои ҷашнӣ ва намоиши расмҳои кӯдакон баргузор гардид

Ноябрь 27, 2021 10:37

ДУШАНБЕ, 27.11.2021. /АМИТ «Ховар»/. 26 ноябр дар Осорхонаи миллии Тоҷикистон бахшида ба ҷашни 30-солагии Истиқлолияти давлатии Ҷумҳурии Тоҷикистон ва 75-солагии Истиқлолияти Ҷумҳурии Ҳиндустон муаррифии маркаҳои ҷашнӣ ва намоиши расмҳои кӯдакон дар мавзӯи «Дӯстии Тоҷикистон ва Ҳиндустон» баргузор гардид, иттилоъ доданд аз Осорхонаи миллии Тоҷикистон ба АМИТ «Ховар».

Дар намоиш 4 адад маркаҳои ҷашнии омоданамудаи Ҷумҳурии Ҳиндустон аз ҷониби Сафири ин кишвар Вираҷ Сингх дар ҳузури доираи васеи иштирокчиён рӯнамоӣ ва муаррифӣ гардид, ки дар онҳо муштаракоти таърихӣ ва фарҳангии Ҷумҳурии Тоҷикистон ва Ҷумҳурии Ҳиндустон инъикос шудаанд.

Дар намоиши мазкур маркази фарҳангии Свами Вивеканандаи Сафорати Ҷумҳурии Ҳиндустон дар Ҷумҳурии Тоҷикистон ва Ансамбли ҷумҳуриявии «Лаъл»-и Вазорати меҳнат, муҳоҷират ва шуғли аҳолии Ҷумҳурии Тоҷикистон иштирок намуданд.

Дар намоиши мазкур зиёда аз 50 адад расмҳои офаридаи кӯдакони Ҷумҳурии Тоҷикистон ба тамошо гузошта шудаанд, ки дар онҳо дӯстӣ миёни Ҷумҳурии Тоҷикистон ва Ҷумҳурии Ҳиндустон инъикос шудааст.

Зимни ифтитоҳи ҳамоиш директори Осорхонаи миллии Тоҷикистон Аҳлиддин Ибодуллозода зикр намуд, ки ба даст овардани Истиқлолияти давлатӣ дастоварди бузурге дар таърихи навини ду кишвари бо ҳам дӯст ба ҳисоб рафта, ин ҷашни бисёр муҳимро ду миллати тамаддунофару сулҳпарвар ҳамчун ҷашнвора таҷлил менамоянд.

Зикр шуд, ки давоми солҳои соҳибистиқлолӣ Ҷумҳурии Тоҷикистон бо Ҷумҳурии Ҳиндустон тибқи созишномаҳои байниҳукуматӣ оид ба ҳамкорӣ, хусусан дар соҳаҳои тандурустӣ, нақлиёт, илму маориф ва фарҳанг ба дастовардҳои назаррас ноил гардидаанд.

Робитаҳои мутақобилан судманди фарҳангӣ миёни ин ду кишвар имкон дод, то Осорхонаи миллии Тоҷикистон бо Сафорати Ҳиндустон дар шаҳри Душанбе равобити зич ба роҳ монда, дар ин давра чорабиниҳои гуногун баргузор намоянд. Аз ҷумла, соли ҷорӣ намоиш ва конфронси илмӣ дар мавзӯи «Мирзо Турсунзода ва Ҳиндустон», намоиши дигар бахшида ба 20 – солагии таъсиси Созмони Ҳамкории Шанхай таҳти унвони «Ёдгориҳои фарҳанги буддоӣ дар Осорхонаи миллии Тоҷикистон» баргузор карда шуданд.

Намоиш дар якҷоягӣ бо Муассисаи давлатии «Осорхонаи миллии Тоҷикистон», Сафорати Ҷумҳурии Ҳиндустон дар Тоҷикистон ва Хадамоти алоқаи назди Ҳукумати Ҷумҳурии Тоҷикистон баргузор гардида, дар он роҳбарият ва кормандони Осорхонаи миллии Тоҷикистон, намояндагони корпусҳои дипломатии муқими Тоҷикистон, вазорату идораҳо, донишгоҳу донишкадаҳо, устодону донишҷӯён иштирок намуданд.

 

АКСҲО аз Осорхонаи миллии Тоҷикистон

Ноябрь 27, 2021 10:37

Хабарҳои дигари ин бахш

Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
Дар Муассисаи давлатии «Боғи Ирам»-и шаҳри Душанбе даврии ниҳоии Озмуни ҷумҳуриявии «Ҳунар омӯз…» оғоз шуд