Дар ноҳияи Рӯдакӣ бинои муассисаи таҳсилоти миёнаи умумии №173 ба истифода дода шуд

Ноябрь 22, 2021 09:28

ДУШАНБЕ, 22.11.2021. /АМИТ «Ховар»/. 20 ноябр дар деҳаи Ҷомии Ҷамоати деҳоти Чортеппаи ноҳияи Рӯдакӣ бинои иловагии муассисаи таҳсилоти миёнаи умумии №173 ба истифода дода шуд. Дар маросими ифтитоҳи бинои мазкур муовини Вазири маориф ва илм Гулчеҳра Ғанизода, раиси ноҳияи Рӯдакӣ Азизулло Исматзода, сардори раёсати  маорифи ноҳия, омӯзгорону волидон ва хонандагон иштирок намуданд, иттилоъ доданд аз маркази матбуоти Вазорати маориф ва илми Ҷумҳурии Тоҷикистон ба АМИТ «Ховар».

Зикр шуд, ки бинои иловагии муассисаи таълимии мазкур бо дастгирии соҳибкори ватанӣ Баҳриддин Меликов бунёд ёфта, дорои 8 синфхона ва толори маҷлисгоҳ мебошад ва барои 192 нафар хонанда дар як баст пешбинӣ шудааст.

Раиси ноҳияи Рӯдакӣ Азизулло Исматзода зикр кард, ки бо ташаббуси шахсони хайрхоҳу ватандӯст дар ноҳияи Рӯдакӣ биноҳои нави муассисаҳои таълимии №7, 35, 85 ва даҳҳо синфхонаҳои иловагӣ бо сифати баланд бунёд ёфтанд.

«Боварӣ дорам, ки омӯзгорони таълимгоҳи №173 дар ҷавоби ин ғамхориҳо пурмаҳсул меҳнат мекунанд, сифати кори таълиму тарбияро баланд мебардоранд ва шогирдони сазовори давру замон тарбия карда, ба воя мерасонанд, — иброз дошт раиси ноҳия Исматзода.

Дар маросими ифтитоҳи бинои муассиса инчунин аз ҷониби мақомоти иҷроияи ҳокимияти давлатии ноҳияи Рӯдакӣ ба соҳибкор Баҳриддин Меликов Сипоснома супорида шуд.

АКСҲО: Вазорати маориф ва илми ҶТ

Ноябрь 22, 2021 09:28

Хабарҳои дигари ин бахш

Дар Душанбе даври сеюми шаҳрии Олимпиада оид ба шоҳмот баргузор карда шуд
Дар Душанбе маросими ҳавасмандгардонии ғолибони озмунҳои зеҳнӣ ва даври ноҳиявии олимпиадаҳои фаннии хонандагон доир шуд
Рӯзномаи «Меҳтарони Хатлон» таъсис ёфт
«ОБ – ГАРАВИ РУШДИ ДЕҲОТ ВА САЙЁҲӢ». Озмуни АМИТ «Ховар» ва Кумитаи рушди сайёҳӣ ҷамъбаст гардид
Ҷаласаи Шӯрои ҳамоҳангсоз оид ба таҳсилоти касбӣ баргузор гардид
Шунавандагони курси «Зан-сарвар» соҳиби шаҳодатнома гардиданд
Бахшида ба Соли нави мелодӣ дар Сирки давлатӣ ва театрҳо намоишҳои кӯдакона доир мешаванд
«РОЗИ ФАЛАК». Дар Кӯлоб бахшида ба ҷаҳонишавии ин мероси фарҳангӣ барномаи тантанавӣ доир шуд
ЧАРОҒИ МАЪРИФАТ ВА ХОСТАҲОИ ҲУМОЙӢ. Суҳбати хабарнигори АМИТ «Ховар» бо ғолиби Озмуни ҷумҳуриявии «Фурӯғи субҳи доноӣ китоб аст»
ТАЪТИЛИ ЗИМИСТОНА. Дар Тоҷикистон аз 1 то 10 январи соли 2022 хонандагон истироҳат мекунанд
Доир ба ҷанбаҳои лингвистию муқоисавии омӯзиш ва тадриси забонҳои хориҷӣ Конференсияи байналмилалии илмӣ-назариявӣ доир шуд
Абдураҳмон Муҳаммад: «Омӯзгор бояд тарбиятдида бошад, вагарна касе аз вай донишу таълими дуруст гирифта наметавонад»