Нишонаи Саридораи ҳифзи сирри давлатӣ тасдиқ гардид
ДУШАНБЕ, 17.11.2021 /АМИТ «Ховар»/. Аз ҷониби мутахассисони соҳа нишонаи (логотипи) Саридораи ҳифзи сирри давлатии назди Ҳукумати Ҷумҳурии Тоҷикистон таҳия ва дар мувофиқа бо мақомоти болоӣ ва қарори ҳайати мушовараи Саридора тасдиқ шуд, ки минбаъд дар фаъолияти хизматӣ истифода бурда мешавад, иттилоъ медиҳад АМИТ «Ховар» бо истинод ба Саридораи ҳифзи сирри давлатӣ.
Нишонаи мазкур бо мақсади иҷрои банди дахлдори Низомномаи Саридораи ҳифзи сирри давлатии назди Ҳукумати Ҷумҳурии Тоҷикистон таҳия гардидааст.
Нишона дар шакли сипар сохта шуда, асосан маънои ҳифзро дорад. Дар дохили он глобус ва харитаи Ҷумҳурии Тоҷикистон, компютер, рамзҳои ҳуҷҷатӣ, электронӣ ва коғазӣ, инчунин қулф тасвир шудааст. Глобус ва харита маънои ҳифзи сирри давлатӣ ва ҳифзи техникии иттилоот, аз ҷумла ҳифзи иттилоот дар ҳомилҳои электронӣ ва коғазӣ дар қаламрави Ҷумҳурии Тоҷикистонро дошта, аз ҷониби Саридора амалӣ карда мешавад.
Ҳомилҳои электронии иттилоот дар воситаҳои техникӣ коркард шуда, бо ин мақсад компютер дар нишона тасвир шудааст. Бо дарназардошти пешгирии ихроҷи иттилоот тавасути каналҳои техникӣ шакли дахлдори глобус дар дохили сипар ҷой дода шудааст.
Дар қисмати болои нишона бо мақсади эҳтиром ба муқаддасоти миллӣ Парчами давлатии Ҷумҳурии Тоҷикистон ва аз поён номи пурраи Саридора тасвир шуда, атрофи сипар бо 7 ситора, ки мазмуни он дар тасвири Нишони давлатӣ зикр гардидааст, оро дода шудааст.
АКС аз Саридораи ҳифзи сирри давлатӣ
Заминҳои назди бинои муассисаву идораҳои шаҳри Норак самаранок истифода мешаванд
Дар «Чиларча»-и Ҷамоати деҳоти Саразм 300 нафар хонандагон ба истироҳат фаро гирифта мешаванд
Истироҳат дар Суғд – бо алоқаи боэътимод
Имрӯз дар водиҳои Тоҷикистон ҳаво то 38 дараҷа гарм мешавад
Бо мақсади пешгирии ҳодисаҳои ғарқшавӣ таҳти унвони «Наҷоти сайёр» дар Душанбе ва ноҳияҳои тобеи ҷумҳурӣ корҳои фаҳмондадиҳӣ оғоз шуд
ҲАВАСМАНДИИ ОМӮЗГОРОН. Давоми 18 сол 3394 нафар омӯзгорони ҷавон дар вилояти Хатлон соҳиби замин гардиданд
Доир ба ташаббусҳои Пешвои миллат дар шаҳри Хоруғ конфронси ҷумҳуриявӣ баргузор шуд
137 акси аксбардори маъруфи тоҷик Заур Дахте ба фонди Осорхонаи миллии Тоҷикистон супорида шуд
Дар ноҳияи Дарвоз оид ба истифодаи сарфакоронаи неруи барқ вохӯрӣ доир гардид
ТАҶРИБАИ НАВ ДАР ЗАФАРОБОД. Дар хоҷагии деҳқонии «Ҳоҷӣ Адҳамхон» 56 адад панели офтобӣ насб карда шудааст
Сокинони ноҳияи Файзобод дар заминҳои наздиҳавлигӣ бештар картошка парвариш менамоянд
ИСТИФОДАИ САМАРАНОКИ ЗАМИН. Сокинони деҳаи Навдеҳи шаҳри Норак таҷрибаи пешқадами кишоварзони ҷаҳонро меомӯзанд
